ज़र्रे ही सही कोह से टकरा तो गए हम
दिल ले के सर-ए-अर्सा-ए-ग़म आ तो गए हम
अब नाम रहे या न रहे इश्क़ में अपना
रूदाद-ए-वफ़ा दार पे दोहरा तो गए हम
कहते थे जो अब कोई नहीं जाँ से गुज़रता
लो जाँ से गुज़र कर उन्हें झुटला तो गए हम
जाँ अपनी गँवा कर कभी घर अपना जला कर
दिल उन का हर इक तौर से बहला तो गए हम
कुछ और ही आलम था पस-ए-चेहरा-ए-याराँ
रहता जो यूँही राज़ उसे पा तो गए हम
अब सोच रहे हैं कि ये मुमकिन ही नहीं है
फिर उन से न मिलने की क़सम खा तो गए हम
उट्ठें कि न उट्ठें ये रज़ा उन की है 'जालिब'
लोगों को सर-ए-दार नज़र आ तो गए हम
zarre hī sahī koh se Takrā to ga.e ham
dil le ke sar-e-arsa-e-ġham aa to ga.e ham
ab naam rahe yā na rahe ishq meñ apnā
rūdād-e-vafā daar pe dohrā to ga.e ham
kahte the jo ab koī nahīñ jaañ se guzartā
lo jaañ se guzar kar unheñ jhuTlā to ga.e ham
jaañ apnī gañvā kar kabhī ghar apnā jalā kar
dil un kā har ik taur se bahlā to ga.e ham
kuchh aur hī aalam thā pas-e-chehra-e-yārāñ
rahtā jo yūñhī raaz use pā to ga.e ham
ab soch rahe haiñ ki ye mumkin hī nahīñ hai
phir un se na milne kī qasam khā to ga.e ham
uTTheñ ki na uTTheñ ye razā un kī hai 'jālib'
logoñ ko sar-e-dār nazar aa to ga.e ham
ذرے ہی سہی کوہ سے ٹکرا تو گئے ہم
دل لے کے سر عرصۂ غم آ تو گئے ہم
اب نام رہے یا نہ رہے عشق میں اپنا
روداد وفا دار پہ دہرا تو گئے ہم
کہتے تھے جو اب کوئی نہیں جاں سے گزرتا
لو جاں سے گزر کر انہیں جھٹلا تو گئے ہم
جاں اپنی گنوا کر کبھی گھر اپنا جلا کر
دل ان کا ہر اک طور سے بہلا تو گئے ہم
کچھ اور ہی عالم تھا پس چہرۂ یاراں
رہتا جو یونہی راز اسے پا تو گئے ہم
اب سوچ رہے ہیں کہ یہ ممکن ہی نہیں ہے
پھر ان سے نہ ملنے کی قسم کھا تو گئے ہم
اٹھیں کہ نہ اٹھیں یہ رضا ان کی ہے جالبؔ
لوگوں کو سر دار نظر آ تو گئے ہم