और सब भूल गए हर्फ़-ए-सदाक़त लिखना
रह गया काम हमारा ही बग़ावत लिखना
लाख कहते रहें ज़ुल्मत को न ज़ुल्मत लिखना
हम ने सीखा नहीं प्यारे ब-इजाज़त लिखना
न सिले की न सताइश की तमन्ना हम को
हक़ में लोगों के हमारी तो है आदत लिखना
हम ने जो भूल के भी शह का क़सीदा न लिखा
शायद आया इसी ख़ूबी की बदौलत लिखना
इस से बढ़ कर मिरी तहसीन भला क्या होगी
पढ़ के ना-ख़ुश हैं मिरा साहब-ए-सरवत लिखना
दहर के ग़म से हुआ रब्त तो हम भूल गए
सर्व क़ामत को जवानी को क़यामत लिखना
कुछ भी कहते हैं कहीं शह के मुसाहिब 'जालिब'
रंग रखना यही अपना इसी सूरत लिखना
aur sab bhuul ga.e harf-e-sadāqat likhnā
rah gayā kaam hamārā hī baġhāvat likhnā
laakh kahte raheñ zulmat ko na zulmat likhnā
ham ne sīkhā nahīñ pyāre ba-ijāzat likhnā
na sile kī na satā.ish kī tamannā ham ko
haq meñ logoñ ke hamārī to hai aadat likhnā
ham ne jo bhuul ke bhī shah kā qasīda na likhā
shāyad aayā isī ḳhūbī kī badaulat likhnā
is se baḌh kar mirī tahsīn bhalā kyā hogī
paḌh ke nā-ḳhush haiñ mirā sāhab-e-sarvat likhnā
dahr ke ġham se huā rabt to ham bhuul ga.e
sarv qāmat ko javānī ko qayāmat likhnā
kuchh bhī kahte haiñ kahīñ shah ke musāhib 'jālib'
rañg rakhnā yahī apnā isī sūrat likhnā
اور سب بھول گئے حرف صداقت لکھنا
رہ گیا کام ہمارا ہی بغاوت لکھنا
لاکھ کہتے رہیں ظلمت کو نہ ظلمت لکھنا
ہم نے سیکھا نہیں پیارے بہ اجازت لکھنا
نہ صلے کی نہ ستائش کی تمنا ہم کو
حق میں لوگوں کے ہماری تو ہے عادت لکھنا
ہم نے جو بھول کے بھی شہہ کا قصیدہ نہ لکھا
شاید آیا اسی خوبی کی بدولت لکھنا
اس سے بڑھ کر مری تحسین بھلا کیا ہوگی
پڑھ کے نا خوش ہیں مرا صاحب ثروت لکھنا
دہر کے غم سے ہوا ربط تو ہم بھول گئے
سرو قامت کو جوانی کو قیامت لکھنا
کچھ بھی کہتے ہیں کہیں شہہ کے مصاحب جالبؔ
رنگ رکھنا یہی اپنا اسی صورت لکھنا