ज़मीन पाँव तले सर पे आसमान लिए
निदा-ए-ग़ैब को जाता हूँ बहरे कान लिए
मैं बढ़ रहा हूँ किसी राद-ए-अब्र की जानिब
बदन को तर्क किए और अपनी जान लिए
ये मेरा ज़र्फ़ कि मैं ने असासा-ए-शब से
बस एक ख़्वाब लिया और चंद शम्अ-दान लिए
मैं सतह-ए-आब पे अपने क़दम जमा लूँगा
बदन की आग लिए और किसी का ध्यान लिए
मैं चल पड़ूँगा सितारों की रौशनी ले कर
किसी वजूद के मरकज़ को दरमियान लिए
परिंदे मेरा बदन देखते थे हैरत से
मैं उड़ रहा था ख़ला में अजीब शान लिए
क़लील वक़्त में यूँ मैं ने इर्तिकाज़ किया
बस इक जहान के अंदर कई जहान लिए
अभी तो मुझ से मेरी साँस भी थी ना-मानूस
कि दस्त-ए-मर्ग ने नेज़े बदन पे तान लिए
ज़मीं खड़ी है कई लाख नूरी सालों से
किसी हयात-ए-मुसलसल की दास्तान लिए
zamīn paañv tale sar pe āsmān liye
nidā-e-ġhaib ko jaatā huuñ bahre kaan liye
maiñ baḌh rahā huuñ kisī rād-e-abr kī jānib
badan ko tark kiye aur apnī jaan liye
ye merā zarf ki maiñ ne asāsa-e-shab se
bas ek ḳhvāb liyā aur chand sham.a-dān liye
maiñ sat.h-e-āb pe apne qadam jamā lūñgā
badan kī aag liye aur kisī kā dhyān liye
maiñ chal paḌūñgā sitāroñ kī raushnī le kar
kisī vajūd ke markaz ko darmiyān liye
parinde merā badan dekhte the hairat se
maiñ uḌ rahā thā ḳhalā meñ ajiib shaan liye
qalīl vaqt meñ yuuñ maiñ ne irtikāz kiyā
bas ik jahān ke andar ka.ī jahān liye
abhī to mujh se merī saañs bhī thī nā-mānūs
ki dast-e-marg ne neze badan pe taan liye
zamīñ khaḌī hai ka.ī laakh nuurī sāloñ se
kisī hayāt-e-musalsal kī dāstān liye
زمین پاؤں تلے سر پہ آسمان لیے
ندائے غیب کو جاتا ہوں بہرے کان لیے
میں بڑھ رہا ہوں کسی رعد ابر کی جانب
بدن کو ترک کئے اور اپنی جان لیے
یہ میرا ظرف کہ میں نے اثاثۂ شب سے
بس ایک خواب لیا اور چند شمع دان لیے
میں سطح آب پہ اپنے قدم جما لوں گا
بدن کی آگ لیے اور کسی کا دھیان لیے
میں چل پڑوں گا ستاروں کی روشنی لے کر
کسی وجود کے مرکز کو درمیان لیے
پرندے میرا بدن دیکھتے تھے حیرت سے
میں اڑ رہا تھا خلا میں عجیب شان لیے
قلیل وقت میں یوں میں نے ارتکاز کیا
بس اک جہان کے اندر کئی جہان لیے
ابھی تو مجھ سے میری سانس بھی تھی نا مانوس
کہ دست مرگ نے نیزے بدن پہ تان لیے
زمیں کھڑی ہے کئی لاکھ نوری سالوں سے
کسی حیات مسلسل کی داستان لیے