ज़ख़्मों के नए फूल खिलाने के लिए आ
फिर मौसम-ए-गुल याद दिलाने के लिए आ
मस्ती लिए आँखों में बिखेरे हुए ज़ुल्फ़ें
आ फिर मुझे दीवाना बनाने के लिए आ
अब लुत्फ़ इसी में है मज़ा है तो इसी में
आ ऐ मिरे महबूब सताने के लिए आ
आ रख दहन-ए-ज़ख़्म पे फिर उँगलियाँ अपनी
दिल बाँसुरी तेरी है बजाने के लिए आ
हाँ कुछ भी तो देरीना मोहब्बत का भरम रख
दिल से न आ दुनिया को दिखाने के लिए आ
माना कि मिरे घर से अदावत ही तुझे है
रहने को न आ आग लगाने के लिए आ
प्यारे तिरी सूरत से भी अच्छी है जो तस्वीर
मैं ने तुझे रक्खी है दिखाने के लिए, आ
आशुफ़्ता कहे है कोई दीवाना कहे है
मैं कौन हूँ दुनिया को बताने के लिए आ
कुछ रोज़ से हम शहर में रुस्वा न हुए हैं
आ फिर कोई इल्ज़ाम लगाने के लिए आ
अब के जो वो आ जाए तो 'आजिज़' उसे ले कर
महफ़िल में ग़ज़ल अपनी सुनाने के लिए आ
zaḳhmoñ ke na.e phuul khilāne ke liye aa
phir mausam-e-gul yaad dilāne ke liye aa
mastī liye āñkhoñ meñ bikhere hue zulfeñ
aa phir mujhe dīvāna banāne ke liye aa
ab lutf isī meñ hai mazā hai to isī meñ
aa ai mire mahbūb satāne ke liye aa
aa rakh dahan-e-zaḳhm pe phir uñgliyāñ apnī
dil bāñsurī terī hai bajāne ke liye aa
haañ kuchh bhī to derīna mohabbat kā bharam rakh
dil se na aa duniyā ko dikhāne ke liye aa
maanā ki mire ghar se adāvat hī tujhe hai
rahne ko na aa aag lagāne ke liye aa
pyāre tirī sūrat se bhī achchhī hai jo tasvīr
maiñ ne tujhe rakkhī hai dikhāne ke liye, aa
āshufta kahe hai koī dīvāna kahe hai
maiñ kaun huuñ duniyā ko batāne ke liye aa
kuchh roz se ham shahr meñ rusvā na hue haiñ
aa phir koī ilzām lagāne ke liye aa
ab ke jo vo aa jaa.e to 'ājiz' use le kar
mahfil meñ ġhazal apnī sunāne ke liye aa
زخموں کے نئے پھول کھلانے کے لئے آ
پھر موسم گل یاد دلانے کے لئے آ
مستی لئے آنکھوں میں بکھیرے ہوئے زلفیں
آ پھر مجھے دیوانہ بنانے کے لئے آ
اب لطف اسی میں ہے مزا ہے تو اسی میں
آ اے مرے محبوب ستانے کے لئے آ
آ رکھ دہن زخم پہ پھر انگلیاں اپنی
دل بانسری تیری ہے بجانے کے لئے آ
ہاں کچھ بھی تو دیرینہ محبت کا بھرم رکھ
دل سے نہ آ دنیا کو دکھانے کے لئے آ
مانا کہ مرے گھر سے عداوت ہی تجھے ہے
رہنے کو نہ آ آگ لگانے کے لئے آ
پیارے تری صورت سے بھی اچھی ہے جو تصویر
میں نے تجھے رکھی ہے دکھانے کے لئے، آ
آشفتہ کہے ہے کوئی دیوانہ کہے ہے
میں کون ہوں دنیا کو بتانے کے لئے آ
کچھ روز سے ہم شہر میں رسوا نہ ہوئے ہیں
آ پھر کوئی الزام لگانے کے لئے آ
اب کے جو وہ آ جائے تو عاجزؔ اسے لے کر
محفل میں غزل اپنی سنانے کے لئے آ