ज़बान-ए-मय-कदा में जिस को मय-कश जाम कहते हैं
उसे हम अपने दिल का दूसरा इक नाम कहते हैं
हदीस-ए-ज़ुल्फ़-ओ-रुख़ क्या हाल सुब्ह-ओ-शाम कहते हैं
ग़म-ए-जानाँ के पर्दे में ग़म-ए-अय्याम कहते हैं
तबस्सुम ने कही थी दास्ताँ आग़ाज़-ए-उल्फ़त की
सुनो अब आँसुओं से क़िस्सा-ए-अंजाम कहते हैं
तुम्हारी अँखड़ियों में है सहर गंगा के साहिल की
मगर मय-ख़्वार उस को मय-कदे की शाम कहते हैं
तिरी ज़ुल्फ़-ए-सियह से ख़ाल-ए-रुख़ का जो भी रिश्ता हो
असीरान-ए-मोहब्बत दाना ज़ेर-ए-दाम कहते हैं
तिरे दर्द-ए-मोहब्बत को ज़माना इक मरज़ कह ले
मगर हम तो इलाज-ए-गर्दिश-ए-अय्याम कहते हैं
दिल-ए-अफ़सुर्दा को 'एहसान' तुम शम'-ए-सहर कह लो
मगर अहबाब तो इस को चराग़-ए-शाम कहते हैं
zabān-e-mai-kada meñ jis ko mai-kash jaam kahte haiñ
use ham apne dil kā dūsrā ik naam kahte haiñ
hadīs-e-zulf-o-ruḳh kyā haal sub.h-o-shām kahte haiñ
ġham-e-jānāñ ke parde meñ ġham-e-ayyām kahte haiñ
tabassum ne kahī thī dāstāñ āġhāz-e-ulfat kī
suno ab āñsuoñ se qissa-e-anjām kahte haiñ
tumhārī añkhḌiyoñ meñ hai sahar gangā ke sāhil kī
magar mai-ḳhvār us ko mai-kade kī shaam kahte haiñ
tirī zulf-e-siyah se ḳhāl-e-ruḳh kā jo bhī rishta ho
asīrān-e-mohabbat daana zer-e-dām kahte haiñ
tire dard-e-mohabbat ko zamāna ik maraz kah le
magar ham to ilāj-e-gardish-e-ayyām kahte haiñ
dil-e-afsurda ko 'ehsān' tum sham'-e-sahar kah lo
magar ahbāb to is ko charāġh-e-shām kahte haiñ
زبان مے کدہ میں جس کو مے کش جام کہتے ہیں
اسے ہم اپنے دل کا دوسرا اک نام کہتے ہیں
حدیث زلف و رخ کیا حال صبح و شام کہتے ہیں
غم جاناں کے پردے میں غم ایام کہتے ہیں
تبسم نے کہی تھی داستاں آغاز الفت کی
سنو اب آنسوؤں سے قصۂ انجام کہتے ہیں
تمہاری انکھڑیوں میں ہے سحر گنگا کے ساحل کی
مگر مے خوار اس کو میکدے کی شام کہتے ہیں
تری زلف سیہ سے خال رخ کا جو بھی رشتہ ہو
اسیران محبت دانہ زیر دام کہتے ہیں
ترے درد محبت کو زمانہ اک مرض کہہ لے
مگر ہم تو علاج گردش ایام کہتے ہیں
دل افسردہ کو احسانؔ تم شمع سحر کہہ لو
مگر احباب تو اس کو چراغ شام کہتے ہیں