बना के अपने सफ़ीने का नाख़ुदा मुझ को
किसी ने कर दिया तूफ़ाँ से आश्ना मुझ को
मैं एक संग-ए-सर-अफ़्गंदा तू है संग-तराश
सुतून-ए-का'बा बना या सनम बना मुझ को
मैं ख़ुद-ग़रज़ हूँ किसी का नहीं हूँ अपने सिवा
ज़माना है कि समझता है आश्ना मुझ को
तुम्हारा शहर गुलिस्ताँ सही मगर इस में
मिले हैं ख़ून के धब्बे भी जा-ब-जा मुझ को
मैं ज़िंदगी से बहुत कुछ मुतालबा करता
तिरी निगाह ने ख़ामोश कर दिया मुझ को
निगाह-ए-शौक़ ही बेहतर है इल्तिजा के लिए
ज़बाँ खुलेगी तो समझेंगे वो गदा मुझ को
वो बद-नसीब मुसाफ़िर हूँ राह-ए-हस्ती का
न राहज़न ही मयस्सर न रहनुमा मुझ को
गिला नहीं मुझे 'एहसाँ' तही सही दामन
ये कम नहीं कि मिला दस्त-ए-बे-दुआ मुझ को
banā ke apne safīne kā nāḳhudā mujh ko
kisī ne kar diyā tūfāñ se āshnā mujh ko
maiñ ek sang-e-sar-afganda tū hai sang-tarāsh
sutūn-e-ka.aba banā yā sanam banā mujh ko
maiñ ḳhud-ġharaz huuñ kisī kā nahīñ huuñ apne sivā
zamāna hai ki samajhtā hai āshnā mujh ko
tumhārā shahr gulistāñ sahī magar is meñ
mile haiñ ḳhuun ke dhabbe bhī jā-ba-jā mujh ko
maiñ zindagī se bahut kuchh mutālba kartā
tirī nigāh ne ḳhāmosh kar diyā mujh ko
nigāh-e-shauq hī behtar hai iltijā ke liye
zabāñ khulegī to samjheñge vo gadā mujh ko
vo bad-nasīb musāfir huuñ rāh-e-hastī kā
na rāhzan hī mayassar na rahnumā mujh ko
gilā nahīñ mujhe 'ehsāñ' tahī sahī dāman
ye kam nahīñ ki milā dast-e-be-duā mujh ko
بنا کے اپنے سفینے کا ناخدا مجھ کو
کسی نے کر دیا طوفاں سے آشنا مجھ کو
میں ایک سنگ سر افگندہ تو ہے سنگ تراش
ستون کعبہ بنا یا صنم بنا مجھ کو
میں خود غرض ہوں کسی کا نہیں ہوں اپنے سوا
زمانہ ہے کہ سمجھتا ہے آشنا مجھ کو
تمہارا شہر گلستاں سہی مگر اس میں
ملے ہیں خون کے دھبے بھی جا بجا مجھ کو
میں زندگی سے بہت کچھ مطالبہ کرتا
تری نگاہ نے خاموش کر دیا مجھ کو
نگاہ شوق ہی بہتر ہے التجا کے لیے
زباں کھلے گی تو سمجھیں گے وہ گدا مجھ کو
وہ بد نصیب مسافر ہوں راہ ہستی کا
نہ راہزن ہی میسر نہ رہ نما مجھ کو
گلا نہیں مجھے احساںؔ تہی سہی دامن
یہ کم نہیں کہ ملا دست بے دعا مجھ کو