कभी तसव्वुर में आ रही हो कभी तख़य्युल पे छा रही हो
मिरे शबिस्तान-ए-आरज़ू को निगार-ख़ाना बना रही हो
रह-ए-वफ़ा में क़दम क़दम पर नई नई शर्त ला रही हो
ये किस ने बहका दिया है तुम को ये क्या शगूफ़े खिला रही हो
ये ख़ुद-परस्ती-ए-नारवा है ये बेवफ़ाई की इंतिहा है
तुम्हारी ख़ातिर जो लुट चुका है उसी से आँखें चुरा रही हो
बिगाड़ में इक बनाव सा है लगावटों में खिचाव सा है
दिया उमीदों का मेरे दिल में जला रही हो बुझा रही हो
फ़ज़ा भी ना-साज़ है जहाँ की वहाँ वफ़ा साँस लेगी क्यूँकर
हवा भी ग़म्माज़ है जहाँ की वहाँ मुझे क्यों बुला रही हो
अगरचे सहरा-ए-ज़िंदगी में कोई मिरा हम-सफ़र नहीं है
मगर ये महसूस हो रहा है कि तुम मिरे साथ आ रही हो
फिर आज याद उन की आ रही है मगर इस अंदाज़ से कि 'एहसाँ'
उरूस-ए-नौ जैसे पहली शब में बदन को अपने चुरा रही हो
kabhī tasavvur meñ aa rahī ho kabhī taḳhayyul pe chhā rahī ho
mire shabistān-e-ārzū ko nigār-ḳhāna banā rahī ho
rah-e-vafā meñ qadam qadam par na.ī na.ī shart lā rahī ho
ye kis ne bahkā diyā hai tum ko ye kyā shagūfe khilā rahī ho
ye ḳhud-parastī-e-nāravā hai ye bevafā.ī kī intihā hai
tumhārī ḳhātir jo luT chukā hai usī se āñkheñ churā rahī ho
bigāḌ meñ ik banāv sā hai lagāvaToñ meñ khichāo sā hai
diyā umīdoñ kā mere dil meñ jalā rahī ho bujhā rahī ho
fazā bhī nā-sāz hai jahāñ kī vahāñ vafā saañs legī kyūñkar
havā bhī ġhammāz hai jahāñ kī vahāñ mujhe kyoñ bulā rahī ho
agarche sahrā-e-zindagī meñ koī mirā ham-safar nahīñ hai
magar ye mahsūs ho rahā hai ki tum mire saath aa rahī ho
phir aaj yaad un kī aa rahī hai magar is andāz se ki 'ehsāñ'
urūs-e-nau jaise pahlī shab meñ badan ko apne churā rahī ho
کبھی تصور میں آ رہی ہو کبھی تخیل پہ چھا رہی ہو
مرے شبستان آرزو کو نگار خانہ بنا رہی ہو
رہ وفا میں قدم قدم پر نئی نئی شرط لا رہی ہو
یہ کس نے بہکا دیا ہے تم کو یہ کیا شگوفے کھلا رہی ہو
یہ خود پرستئ ناروا ہے یہ بے وفائی کی انتہا ہے
تمہاری خاطر جو لٹ چکا ہے اسی سے آنکھیں چرا رہی ہو
بگاڑ میں اک بناؤ سا ہے لگاوٹوں میں کھچاؤ سا ہے
دیا امیدوں کا میرے دل میں جلا رہی ہو بجھا رہی ہو
فضا بھی ناساز ہے جہاں کی وہاں وفا سانس لے گی کیوں کر
ہوا بھی غماز ہے جہاں کی وہاں مجھے کیوں بلا رہی ہو
اگرچہ صحرائے زندگی میں کوئی مرا ہم سفر نہیں ہے
مگر یہ محسوس ہو رہا ہے کہ تم مرے ساتھ آ رہی ہو
پھر آج یاد ان کی آ رہی ہے مگر اس انداز سے کہ احساںؔ
عروس نو جیسے پہلی شب میں بدن کو اپنے چرا رہی ہو