यूँ वो ज़ुल्मत से रहा दस्त-ओ-गरेबाँ यारो
उस से लर्ज़ां थे बहुत शब के निगहबाँ यारो
उस ने हर-गाम दिया हौसला-ए-ताज़ा हमें
वो न इक पल भी रहा हम से गुरेज़ाँ यारो
उस ने मानी न कभी तीरगी-ए-शब से शिकस्त
दिल अँधेरों में रहा उस का फ़रोज़ाँ यारो
उस को हर हाल में जीने की अदा आती थी
वो न हालात से होता था परेशाँ यारो
उस ने बातिल से न ता-ज़ीस्त किया समझौता
दहर में उस सा कहाँ साहब-ए-ईमाँ यारो
उस को थी कश्मकश-ए-दैर-ओ-हरम से नफ़रत
उस सा हिन्दू न कोई उस सा मुसलमाँ यारो
उस ने सुल्तानी-ए-जम्हूर के नग़्मे लिक्खे
रूह शाहों की रही उस से परेशाँ यारो
अपने अशआ'र की शम्ओं' से उजाला कर के
कर गया शब का सफ़र कितना वो आसाँ यारो
उस के गीतों से ज़माने को सँवारें यारो
रूह-ए-'साहिर' को अगर करना है शादाँ यारो
yuuñ vo zulmat se rahā dast-o-garebāñ yaaro
us se larzāñ the bahut shab ke nigahbāñ yaaro
us ne har-gām diyā hausla-e-tāza hameñ
vo na ik pal bhī rahā ham se gurezāñ yaaro
us ne maanī na kabhī tīrgī-e-shab se shikast
dil añdheroñ meñ rahā us kā farozāñ yaaro
us ko har haal meñ jiine kī adā aatī thī
vo na hālāt se hotā thā pareshāñ yaaro
us ne bātil se na tā-zīst kiyā samjhauta
dahr meñ us sā kahāñ sāhab-e-īmāñ yaaro
us ko thī kashmakash-e-dair-o-haram se nafrat
us sā hindū na koī us sā musalmāñ yaaro
us ne sultānī-e-jamhūr ke naġhme likkhe
ruuh shāhoñ kī rahī us se pareshāñ yaaro
apne ash.ār kī sham.oñ se ujālā kar ke
kar gayā shab kā safar kitnā vo āsāñ yaaro
us ke gītoñ se zamāne ko sañvāreñ yaaro
rūh-e-'sāhir' ko agar karnā hai shādāñ yaaro
یوں وہ ظلمت سے رہا دست و گریباں یارو
اس سے لرزاں تھے بہت شب کے نگہباں یارو
اس نے ہر گام دیا حوصلۂ تازہ ہمیں
وہ نہ اک پل بھی رہا ہم سے گریزاں یارو
اس نے مانی نہ کبھی تیرگیٔ شب سے شکست
دل اندھیروں میں رہا اس کا فروزاں یارو
اس کو ہر حال میں جینے کی ادا آتی تھی
وہ نہ حالات سے ہوتا تھا پریشاں یارو
اس نے باطل سے نہ تا زیست کیا سمجھوتہ
دہر میں اس سا کہاں صاحب ایماں یارو
اس کو تھی کشمکش دیر و حرم سے نفرت
اس سا ہندو نہ کوئی اس سا مسلماں یارو
اس نے سلطانیٔ جمہور کے نغمے لکھے
روح شاہوں کی رہی اس سے پریشاں یارو
اپنے اشعار کی شمعوں سے اجالا کر کے
کر گیا شب کا سفر کتنا وہ آساں یارو
اس کے گیتوں سے زمانے کو سنواریں یارو
روح ساحرؔ کو اگر کرنا ہے شاداں یارو