यूँ समाया है कि अब सर से निकलने का नहीं
मैं जो चाहूँ भी तो इक डर से निकलने का नहीं
मैं ने जो ख़ौफ़ पिरोया था रगों में अपनी
ऐसा बैठा है कि अंदर से निकलने का नहीं
बा'द कोशिश के नतीजा ये निकाला मैं ने
ज़िंदगी मैं तिरे चक्कर से निकलने का नहीं
खींच लाते हैं हक़ीक़त में हवादिस वर्ना
आदमी ख़्वाब के मेहवर से निकलने का नहीं
सर पटख़ता नहीं पिंजरे में परिंदा यूँही
शौक़-ए-परवाज़ कभी पर से निकलने का नहीं
इक सड़क और मिरा आठवाँ दसवाँ चक्कर
और मुझे 'इल्म है वो घर से निकलने का नहीं
अपने अंदर यूँ छुपाए हैं सनम पत्थर ने
बुत कोई तेशा-ए-आज़र से निकलने का नहीं
ग़म-ए-दौराँ भी है यूँ जैसे मिरा यौम-ए-हिसाब
मैं तो दुनिया में भी महशर से निकलने का नहीं
धोंस देता है ये सूरज मुझे हर शाम 'हसन'
वो जो डूबा तो समुंदर से निकलने का नहीं
yuuñ samāyā hai ki ab sar se nikalne kā nahīñ
maiñ jo chāhūñ bhī to ik Dar se nikalne kā nahīñ
maiñ ne jo ḳhauf piroyā thā ragoñ meñ apnī
aisā baiThā hai ki andar se nikalne kā nahīñ
baa'd koshish ke natīja ye nikālā maiñ ne
zindagī maiñ tire chakkar se nikalne kā nahīñ
khīñch laate haiñ haqīqat meñ havādis varna
aadmī ḳhvāb ke mehvar se nikalne kā nahīñ
sar paTaḳhtā nahīñ piñjre meñ parinda yūñhī
shauq-e-parvāz kabhī par se nikalne kā nahīñ
ik saḌak aur mirā āTHvāñ dasvāñ chakkar
aur mujhe 'ilm hai vo ghar se nikalne kā nahīñ
apne andar yuuñ chhupā.e haiñ sanam patthar ne
but koī tesha-e-āzar se nikalne kā nahīñ
ġham-e-daurāñ bhī hai yuuñ jaise mirā yaum-e-hisāb
maiñ to duniyā meñ bhī mahshar se nikalne kā nahīñ
dhauñs detā hai ye sūraj mujhe har shaam 'hasan'
vo jo Duubā to samundar se nikalne kā nahīñ
یوں سمایا ہے کہ اب سر سے نکلنے کا نہیں
میں جو چاہوں بھی تو اک ڈر سے نکلنے کا نہیں
میں نے جو خوف پرویا تھا رگوں میں اپنی
ایسا بیٹھا ہے کہ اندر سے نکلنے کا نہیں
بعد کوشش کے نتیجہ یہ نکالا میں نے
زندگی میں ترے چکر سے نکلنے کا نہیں
کھینچ لاتے ہیں حقیقت میں حوادث ورنہ
آدمی خواب کے محور سے نکلنے کا نہیں
سر پٹختا نہیں پنجرے میں پرندہ یوں ہی
شوق پرواز کبھی پر سے نکلنے کا نہیں
اک سڑک اور مرا آٹھواں دسواں چکر
اور مجھے علم ہے وہ گھر سے نکلنے کا نہیں
اپنے اندر یوں چھپائے ہیں صنم پتھر نے
بت کوئی تیشۂ آذر سے نکلنے کا نہیں
غم دوراں بھی ہے یوں جیسے مرا یوم حساب
میں تو دنیا میں بھی محشر سے نکلنے کا نہیں
دھونس دیتا ہے یہ سورج مجھے ہر شام حسنؔ
وہ جو ڈوبا تو سمندر سے نکلنے کا نہیں