बैठ कर एक डाल पर फ़िलहाल
ऐ परिंदे निकाल पर फ़िलहाल
बात देखें कहाँ पहुँचती है
ज़ोर है हाल-चाल पर फ़िलहाल
दुख समझना पड़ेगा बच्चे का
पहला आँसू है गाल पर फ़िलहाल
फ़िक्र-ए-नान-ए-जवीं का ग़लबा है
अपने हर इक ख़याल पर फ़िलहाल
ढल गया है उरूज का मौसम
है बुलंदी ज़वाल पर फ़िलहाल
उस की अनमोल चाहतों का उधार
है मिरे बाल बाल पर फ़िलहाल
हम तो छोड़ आए थे चमन तेरा
कौन है देख-भाल पर फ़िलहाल
इक परिंदे ने दूसरे से कहा
चल उतरते हैं जाल पर फ़िलहाल
धड़कनें मुँह को आ रही हैं 'हसन'
दिल नहीं ए'तिदाल पर फ़िलहाल
baiTh kar ek Daal par filhāl
ai parinde nikāl par filhāl
baat dekheñ kahāñ pahuñchtī hai
zor hai hāl-chāl par filhāl
dukh samajhnā paḌegā bachche kā
pahlā aañsū hai gaal par filhāl
fikr-e-nān-e-javīñ kā ġhalba hai
apne har ik ḳhayāl par filhāl
Dhal gayā hai uruuj kā mausam
hai bulandī zavāl par filhāl
us kī anmol chāhatoñ kā udhār
hai mire baal baal par filhāl
ham to chhoḌ aa.e the chaman terā
kaun hai dekh-bhāl par filhāl
ik parinde ne dūsre se kahā
chal utarte haiñ jaal par filhāl
dhaḌkaneñ muñh ko aa rahī haiñ 'hasan'
dil nahīñ e'tidāl par filhāl
بیٹھ کر ایک ڈال پر فی الحال
اے پرندے نکال پر فی الحال
بات دیکھیں کہاں پہنچتی ہے
زور ہے حال چال پر فی الحال
دکھ سمجھنا پڑے گا بچے کا
پہلا آنسو ہے گال پر فی الحال
فکر نان جویں کا غلبہ ہے
اپنے ہر اک خیال پر فی الحال
ڈھل گیا ہے عروج کا موسم
ہے بلندی زوال پر فی الحال
اس کی انمول چاہتوں کا ادھار
ہے مرے بال بال پر فی الحال
ہم تو چھوڑ آئے تھے چمن تیرا
کون ہے دیکھ بھال پر فی الحال
اک پرندے نے دوسرے سے کہا
چل اترتے ہیں جال پر فی الحال
دھڑکنیں منہ کو آ رہی ہیں حسنؔ
دل نہیں اعتدال پر فی الحال