यूँ निकलती है मिरी बात दहन से उस के
जैसे बरसों का तआरुफ़ हो बदन से उस के
यूँ सर-ए-बज़्म मिला टूट के इक उम्र पे वो
हम भी घबरा गए बे-साख़्ता-पन से उस के
उस का लहजा है कि बहती हुई नग़्मों की नदी
जैसे इल्हाम की बारिश हो सुख़न से उस के
उस से मिल के भी ख़ला अब भी वही रूह में है
मुतमइन दिल भी नहीं सर्व-ओ-समन से उस के
ख़िल्क़त-ए-शहर ने अफ़्साने तराशे क्या क्या
दिल तही-दस्त ही लौटा है चमन से उस के
इस तरह शहर सलीबों से सजाया उस ने
कोई महफ़ूज़ नहीं दार-ओ-रसन से उस के
देखना किस के लहू से है चराग़ाँ मक़्तल
एक उगता हुआ सूरज है कफ़न से उस के
yuuñ nikaltī hai mirī baat dahan se us ke
jaise barsoñ kā ta.āruf ho badan se us ke
yuuñ sar-e-bazm milā TuuT ke ik umr pe vo
ham bhī ghabrā ga.e be-sāḳhta-pan se us ke
us kā lahja hai ki bahtī huī naġhmoñ kī nadī
jaise ilhām kī bārish ho suḳhan se us ke
us se mil ke bhī ḳhalā ab bhī vahī ruuh meñ hai
mutma.in dil bhī nahīñ sarv-o-saman se us ke
ḳhilqat-e-shahr ne afsāne tarāshe kyā kyā
dil tahī-dast hī lauTā hai chaman se us ke
is tarah shahr salīboñ se sajāyā us ne
koī mahfūz nahīñ dār-o-rasan se us ke
dekhnā kis ke lahū se hai charāġhāñ maqtal
ek ugtā huā sūraj hai kafan se us ke
یوں نکلتی ہے مری بات دہن سے اس کے
جیسے برسوں کا تعارف ہو بدن سے اس کے
یوں سر بزم ملا ٹوٹ کے اک عمر پہ وہ
ہم بھی گھبرا گئے بے ساختہ پن سے اس کے
اس کا لہجہ ہے کہ بہتی ہوئی نغموں کی ندی
جیسے الہام کی بارش ہو سخن سے اس کے
اس سے مل کے بھی خلا اب بھی وہی روح میں ہے
مطمئن دل بھی نہیں سرو و سمن سے اس کے
خلقت شہر نے افسانے تراشے کیا کیا
دل تہی دست ہی لوٹا ہے چمن سے اس کے
اس طرح شہر صلیبوں سے سجایا اس نے
کوئی محفوظ نہیں دار و رسن سے اس کے
دیکھنا کس کے لہو سے ہے چراغاں مقتل
ایک اگتا ہوا سورج ہے کفن سے اس کے