आज तक बहका नहीं बाहर से दीवाना तिरा
हौसले मेरी निगाहों के हैं पैमाना तिरा
रात भर शबनम की आँखों से सहर की माँग में
मैं जिसे लिखता रहा वो भी था अफ़्साना तिरा
ये तिरे दरिया सलामत ये तिरे बादल ब-ख़ैर
लुट रहे हैं ख़ुम पे ख़ुम साबित है मय-ख़ाना तिरा
आँसुओं की आब-ए-जू हाइल है वर्ना लाऊँ मैं
मेरी नज़रों का शरर आँखों का ख़स-ख़ाना तिरा
दिल में धड़कन की तरह साँसों में ख़ुशबू की तरह
अब ख़यालों में भी कब आता है वो आना तिरा
अव्वल अव्वल तो तमाज़त दोपहर के दश्त की
आख़िर आख़िर अपनी नज़रों को झुका जाना तिरा
रेज़ा रेज़ा कर गई पत्थर को भी शबनम की चोट
हाए किस दिल से मगर वो मुझ को समझाना तिरा
aaj tak bahkā nahīñ bāhar se dīvāna tirā
hausle merī nigāhoñ ke haiñ paimāna tirā
raat bhar shabnam kī āñkhoñ se sahar kī maañg meñ
maiñ jise likhtā rahā vo bhī thā afsāna tirā
ye tire dariyā salāmat ye tire bādal ba-ḳhair
luT rahe haiñ ḳhum pe ḳhum sābit hai mai-ḳhāna tirā
āñsuoñ kī āb-e-jū haa.il hai varna lā.ūñ maiñ
merī nazroñ kā sharar āñkhoñ kā ḳhas-ḳhāna tirā
dil meñ dhaḌkan kī tarah sāñsoñ meñ ḳhushbū kī tarah
ab ḳhayāloñ meñ bhī kab aatā hai vo aanā tirā
avval avval to tamāzat dopahar ke dasht kī
āḳhir āḳhir apnī nazroñ ko jhukā jaanā tirā
reza reza kar ga.ī patthar ko bhī shabnam kī choT
haa.e kis dil se magar vo mujh ko samjhānā tirā
آج تک بہکا نہیں باہر سے دیوانہ ترا
حوصلے میری نگاہوں کے ہیں پیمانہ ترا
رات بھر شبنم کی آنکھوں سے سحر کی مانگ میں
میں جسے لکھتا رہا وہ بھی تھا افسانہ ترا
یہ ترے دریا سلامت یہ ترے بادل بخیر
لٹ رہے ہیں خم پہ خم ثابت ہے مے خانہ ترا
آنسوؤں کی آب جو حائل ہے ورنہ لاؤں میں
میری نظروں کا شرر آنکھوں کا خس خانہ ترا
دل میں دھڑکن کی طرح سانسوں میں خوشبو کی طرح
اب خیالوں میں بھی کب آتا ہے وہ آنا ترا
اول اول تو تمازت دوپہر کے دشت کی
آخر آخر اپنی نظروں کو جھکا جانا ترا
ریزہ ریزہ کر گئی پتھر کو بھی شبنم کی چوٹ
ہائے کس دل سے مگر وہ مجھ کو سمجھانا ترا