ये तो नहीं कि तुम से मोहब्बत नहीं मुझे
इतना ज़रूर है कि शिकायत नहीं मुझे
मैं हूँ कि इश्तियाक़ में सर-ता-क़दम नज़र
वो हैं कि इक नज़र की इजाज़त नहीं मुझे
आज़ादी-ए-गुनाह की हसरत के साथ साथ
आज़ादी-ए-ख़याल की जुरअत नहीं मुझे
दूभर है गरचे जौर-ए-अज़ीज़ाँ से ज़िंदगी
लेकिन ख़ुदा-गवाह शिकायत नहीं मुझे
जिस का गुरेज़ शर्त हो तक़रीब-ए-दीद में
इस होश इस नज़र की ज़रूरत नहीं मुझे
जो कुछ गुज़र रही है ग़नीमत है हम-नशीं
अब ज़िंदगी पे ग़ौर की फ़ुर्सत नहीं मुझे
मैं क्यूँ किसी के अहद-ए-वफ़ा का यक़ीं करूँ
इतनी शदीद ग़म की ज़रूरत नहीं मुझे
सज्दे मिरे ख़याल-ए-जज़ा से हैं मावरा
मक़्सूद बंदगी से तिजारत नहीं मुझे
मैं और दे सकूँ न तिरे ग़म को ज़िंदगी
ऐसी तो ज़िंदगी से मोहब्बत नहीं मुझे
'एहसान' कौन मुझ से सिवा है मिरा अदू
अपने सिवा किसी से शिकायत नहीं मुझे
ye to nahīñ ki tum se mohabbat nahīñ mujhe
itnā zarūr hai ki shikāyat nahīñ mujhe
maiñ huuñ ki ishtiyāq meñ sar-tā-qadam nazar
vo haiñ ki ik nazar kī ijāzat nahīñ mujhe
āzādī-e-gunāh kī hasrat ke saath saath
āzādī-e-ḳhayāl kī jur.at nahīñ mujhe
dūbhar hai garche jaur-e-azīzāñ se zindagī
lekin ḳhudā-gavāh shikāyat nahīñ mujhe
jis kā gurez shart ho taqrīb-e-dīd meñ
is hosh is nazar kī zarūrat nahīñ mujhe
jo kuchh guzar rahī hai ġhanīmat hai ham-nashīñ
ab zindagī pe ġhaur kī fursat nahīñ mujhe
maiñ kyuuñ kisī ke ahd-e-vafā kā yaqīñ karūñ
itnī shadīd ġham kī zarūrat nahīñ mujhe
sajde mire ḳhayāl-e-jazā se haiñ māvarā
maqsūd bandagī se tijārat nahīñ mujhe
maiñ aur de sakūñ na tire ġham ko zindagī
aisī to zindagī se mohabbat nahīñ mujhe
'ehsān' kaun mujh se sivā hai mirā adū
apne sivā kisī se shikāyat nahīñ mujhe
یہ تو نہیں کہ تم سے محبت نہیں مجھے
اتنا ضرور ہے کہ شکایت نہیں مجھے
میں ہوں کہ اشتیاق میں سر تا قدم نظر
وہ ہیں کہ اک نظر کی اجازت نہیں مجھے
آزادئ گناہ کی حسرت کے ساتھ ساتھ
آزادئ خیال کی جرأت نہیں مجھے
دوبھر ہے گرچہ جور عزیزاں سے زندگی
لیکن خدا گواہ شکایت نہیں مجھے
جس کا گریز شرط ہو تقریب دید میں
اس ہوش اس نظر کی ضرورت نہیں مجھے
جو کچھ گزر رہی ہے غنیمت ہے ہم نشیں
اب زندگی پہ غور کی فرصت نہیں مجھے
میں کیوں کسی کے عہد وفا کا یقیں کروں
اتنی شدید غم کی ضرورت نہیں مجھے
سجدے مرے خیال جزا سے ہیں ماورا
مقصود بندگی سے تجارت نہیں مجھے
میں اور دے سکوں نہ ترے غم کو زندگی
ایسی تو زندگی سے محبت نہیں مجھے
احسانؔ کون مجھ سے سوا ہے مرا عدو
اپنے سوا کسی سے شکایت نہیں مجھے