ये सितम की महफ़िल-ए-नाज़ है 'कलीम' इस को और सजाए जा
वो दिखाएँ रक़्स-ए-सितमगरी तू ग़ज़ल का साज़ बजाए जा
जो अकड़ के शान से जाए है उसे प्यार से ये बताए जा
कि बुलंदियों की है आरज़ू तू दिलों में पहले समाए जा
वो जो ज़ख़्म दें सो क़ुबूल है तिरे वास्ते वही फूल है
यही अहल-ए-दिल का उसूल है वो रुलाए जाएँ तू गाए जा
तिरा सीधा सा वो बयान है तिरी टूटी-फूटी ज़बान है
तिरे पास हैं यही ठेकरे तू महल इन्हीं से बनाए जा
वो जफ़ा-शिआ'र ओ सितम-अदा तू सुख़न-तराज़ ओ ग़ज़ल-सरा
वो तमाम काँटे उगाएँगे तू तमाम फूल खिलाए जा
कोई लाख ज़ोहरा-जबीन है जिसे चाहें हम वो हसीन है
'कलीम' उस सरापा ग़ुरूर को ज़रा आइना तो दिखाए जा
ye sitam kī mahfil-e-nāz hai 'kalīm' is ko aur sajā.e jā
vo dikhā.eñ raqs-e-sitamgarī tū ġhazal kā saaz bajā.e jā
jo akaḌ ke shaan se jaa.e hai use pyaar se ye batā.e jā
ki bulandiyoñ kī hai aarzū tū diloñ meñ pahle samā.e jā
vo jo zaḳhm deñ so qubūl hai tire vāste vahī phuul hai
yahī ahl-e-dil kā usuul hai vo rulā.e jaa.eñ tū gaa.e jā
tirā sīdhā sā vo bayān hai tirī TūTī-phūTī zabān hai
tire paas haiñ yahī Thekre tū mahal inhīñ se banā.e jā
vo jafā-shi.ār o sitam-adā tū suḳhan-tarāz o ġhazal-sarā
vo tamām kāñTe ugā.eñge tū tamām phuul khilā.e jā
koī laakh zohra-jabīn hai jise chāheñ ham vo hasīn hai
'kalīm' us sarāpā ġhurūr ko zarā aa.ina to dikhā.e jā
یہ ستم کی محفل ناز ہے کلیمؔ اس کو اور سجائے جا
وہ دکھائیں رقص ستم گری تو غزل کا ساز بجائے جا
جو اکڑ کے شان سے جائے ہے اسے پیار سے یہ بتائے جا
کہ بلندیوں کی ہے آرزو تو دلوں میں پہلے سمائے جا
وہ جو زخم دیں سو قبول ہے ترے واسطے وہی پھول ہے
یہی اہل دل کا اصول ہے وہ رلائے جائیں تو گائے جا
ترا سیدھا سا وہ بیان ہے تری ٹوٹی پھوٹی زبان ہے
ترے پاس ہیں یہی ٹھیکرے تو محل انہیں سے بنائے جا
وہ جفا شعار و ستم ادا تو سخن طراز و غزل سرا
وہ تمام کانٹے اگائیں گے تو تمام پھول کھلائے جا
کوئی لاکھ زہرہ جبین ہے جسے چاہیں ہم وہ حسین ہے
کلیمؔ اس سراپا غرور کو ذرا آئنہ تو دکھائے جا