ये समुंदर है किनारे ही किनारे जाओ
इश्क़ हर शख़्स के बस का नहीं प्यारे जाओ
यूँ तो मक़्तल में तमाशाई बहुत आते हैं
आओ उस वक़्त कि जिस वक़्त पुकारे जाओ
दिल की बाज़ी लगे फिर जान की बाज़ी लग जाए
इश्क़ में हार के बैठो नहीं हारे जाओ
काम बन जाए अगर ज़ुल्फ़-ए-जुनूँ बन जाए
इस लिए इस को सँवारो कि सँवारे जाओ
कोई रस्ता कोई मंज़िल इसे दुश्वार नहीं
जिस जगह चाहो मोहब्बत के सहारे जाओ
हम तो मिट्टी से उगाएँगे मोहब्बत के गुलाब
तुम अगर तोड़ने जाते हो सितारे जाओ
डूबना होगा अगर डूबना तक़दीर में है
चाहे कश्ती पे रहो चाहे किनारे जाओ
तुम ही सोचो भला ये शौक़ कोई शौक़ हुआ
आज ऊँचाई पे बैठो कल उतारे जाओ
मौत से खेल के करते हो मोहब्बत 'आजिज़'
मुझ को डर है कहीं बे-मौत न मारे जाओ
ye samundar hai kināre hī kināre jaao
ishq har shaḳhs ke bas kā nahīñ pyāre jaao
yuuñ to maqtal meñ tamāshā.ī bahut aate haiñ
aao us vaqt ki jis vaqt pukāre jaao
dil kī baazī lage phir jaan kī baazī lag jaa.e
ishq meñ haar ke baiTho nahīñ haare jaao
kaam ban jaa.e agar zulf-e-junūñ ban jaa.e
is liye is ko sañvāro ki sañvāre jaao
koī rasta koī manzil ise dushvār nahīñ
jis jagah chāho mohabbat ke sahāre jaao
ham to miTTī se ugā.eñge mohabbat ke gulāb
tum agar toḌne jaate ho sitāre jaao
Dūbnā hogā agar Dūbnā taqdīr meñ hai
chāhe kashtī pe raho chāhe kināre jaao
tum hī socho bhalā ye shauq koī shauq huā
aaj ūñchā.ī pe baiTho kal utāre jaao
maut se khel ke karte ho mohabbat 'ājiz'
mujh ko Dar hai kahīñ be-maut na maare jaao
یہ سمندر ہے کنارے ہی کنارے جاؤ
عشق ہر شخص کے بس کا نہیں پیارے جاؤ
یوں تو مقتل میں تماشائی بہت آتے ہیں
آؤ اس وقت کہ جس وقت پکارے جاؤ
دل کی بازی لگے پھر جان کی بازی لگ جائے
عشق میں ہار کے بیٹھو نہیں ہارے جاؤ
کام بن جائے اگر زلف جنوں بن جائے
اس لیے اس کو سنوارو کہ سنوارے جاؤ
کوئی رستہ کوئی منزل اسے دشوار نہیں
جس جگہ چاہو محبت کے سہارے جاؤ
ہم تو مٹی سے اگائیں گے محبت کے گلاب
تم اگر توڑنے جاتے ہو ستارے جاؤ
ڈوبنا ہوگا اگر ڈوبنا تقدیر میں ہے
چاہے کشتی پہ رہو چاہے کنارے جاؤ
تم ہی سوچو بھلا یہ شوق کوئی شوق ہوا
آج اونچائی پہ بیٹھو کل اتارے جاؤ
موت سے کھیل کے کرتے ہو محبت عاجزؔ
مجھ کو ڈر ہے کہیں بے موت نہ مارے جاؤ