ये सैल-ए-अश्क मुझे गुफ़्तुगू की ताब तो दे
जो ये कहूँ कि वफ़ा का मिरी हिसाब तो दे
भरी बहार-रुतों में भी ख़ार ले आई
ये इंतिज़ार की टहनी कभी गुलाब तो दे
नहीं नहीं मैं वफ़ा से किनारा-कश तो नहीं
वो दे रहा है मुझे हिज्र का अज़ाब तो दे
ये ख़ामुशी तो क़यामत की जान लेवा है
वो दिल दुखाए मगर बात का जवाब तो दे
हर एक वाक़िआ तारीख़-दार लिख जाऊँ
गए दिनों की मिरे हाथ वो किताब तो दे
ये देख किस गुल-ए-तर पर निगाह ठहरी है
न दे वो फूल मुझे दाद-ए-इंतिख़ाब तो दे
गुनाहगार सही फिर भी मेरे हिस्से का
तिरी तरफ़ जो निकलता है वो सवाब तो दे
ye sail-e-ashk mujhe guftugū kī taab to de
jo ye kahūñ ki vafā kā mirī hisāb to de
bharī bahār-rutoñ meñ bhī ḳhaar le aa.ī
ye intizār kī Tahnī kabhī gulāb to de
nahīñ nahīñ maiñ vafā se kināra-kash to nahīñ
vo de rahā hai mujhe hijr kā azaab to de
ye ḳhāmushī to qayāmat kī jaan levā hai
vo dil dukhā.e magar baat kā javāb to de
har ek vāqi.a tārīḳh-dār likh jā.ūñ
ga.e dinoñ kī mire haath vo kitāb to de
ye dekh kis gul-e-tar par nigāh Thahrī hai
na de vo phuul mujhe dād-e-intiḳhāb to de
gunāhgār sahī phir bhī mere hisse kā
tirī taraf jo nikaltā hai vo savāb to de
یہ سیل اشک مجھے گفتگو کی تاب تو دے
جو یہ کہوں کہ وفا کا مری حساب تو دے
بھری بہار رتوں میں بھی خار لے آئی
یہ انتظار کی ٹہنی کبھی گلاب تو دے
نہیں نہیں میں وفا سے کنارہ کش تو نہیں
وہ دے رہا ہے مجھے ہجر کا عذاب تو دے
یہ خامشی تو قیامت کی جان لیوا ہے
وہ دل دکھائے مگر بات کا جواب تو دے
ہر ایک واقعہ تاریخ دار لکھ جاؤں
گئے دنوں کی مرے ہاتھ وہ کتاب تو دے
یہ دیکھ کس گل تر پر نگاہ ٹھہری ہے
نہ دے وہ پھول مجھے داد انتخاب تو دے
گناہ گار سہی پھر بھی میرے حصے کا
تری طرف جو نکلتا ہے وہ ثواب تو دے