ये साँस भरती हुई ज़िंदगी का दुख है मुझे
तुम्हारा इस का और उस का सभी का दुख है मुझे
सिमट गईं किसी जंगल की वहशतें मुझ में
सो घर में होते हुए बे-घरी का दुख है मुझे
बहुत ज़ियादा अँधेरों से भी शिकायत थी
और इन दिनों तो बहुत रौशनी का दुख है मुझे
मैं रो पड़ूँगा बहुत भींच के गले न लगा
मैं पहले जैसा नहीं हूँ किसी का दुख है मुझे
ये कोई शे'र नहीं हैं ये ज़ख़्म हैं मेरे
तबीब बोलता है शा'इरी का दुख है मुझे
बिछड़ के तुझ से मैं इंसानियत से गिर गया हूँ
तू ख़ुश हुआ है तो तेरी ख़ुशी का दुख है मुझे
ye saañs bhartī huī zindagī kā dukh hai mujhe
tumhārā is kā aur us kā sabhī kā dukh hai mujhe
simaT ga.iiñ kisī jangal kī vahshateñ mujh meñ
so ghar meñ hote hue be-gharī kā dukh hai mujhe
bahut ziyāda añdheroñ se bhī shikāyat thī
aur in dinoñ to bahut raushnī kā dukh hai mujhe
maiñ ro paḌūñgā bahut bhīñch ke gale na lagā
maiñ pahle jaisā nahīñ huuñ kisī kā dukh hai mujhe
ye koī she'r nahīñ haiñ ye zaḳhm haiñ mere
tabīb boltā hai shā'irī kā dukh hai mujhe
bichhaḌ ke tujh se maiñ insāniyat se gir gayā huuñ
tū ḳhush huā hai to terī ḳhushī kā dukh hai mujhe
یہ سانس بھرتی ہوئی زندگی کا دکھ ہے مجھے
تمہارا اس کا اور اس کا سبھی کا دکھ ہے مجھے
سمٹ گئیں کسی جنگل کی وحشتیں مجھ میں
سو گھر میں ہوتے ہوئے بے گھری کا دکھ ہے مجھے
بہت زیادہ اندھیروں سے بھی شکایت تھی
اور ان دنوں تو بہت روشنی کا دکھ ہے مجھے
میں رو پڑوں گا بہت بھینچ کے گلے نہ لگا
میں پہلے جیسا نہیں ہوں کسی کا دکھ ہے مجھے
یہ کوئی شعر نہیں ہیں یہ زخم ہیں میرے
طبیب بولتا ہے شاعری کا دکھ ہے مجھے
بچھڑ کے تجھ سے میں انسانیت سے گر گیا ہوں
تو خوش ہوا ہے تو تیری خوشی کا دکھ ہے مجھے