ये रोज़ हश्र का और शिकवा-ए-वफ़ा के लिए
ख़ुदा के सामने तो चुप रहो ख़ुदा के लिए
इलाही वक़्त बदल दे मिरी क़ज़ा के लिए
जो कोसते थे वो बैठे हैं अब दुआ के लिए
भँवर से नाव बचे तेरे बस की बात नहीं
ख़ुदा पे छोड़ दे ऐ नाख़ुदा ख़ुदा के लिए
हमारे वास्ते मरना तो कोई बात नहीं
मगर तुम्हें न मिलेगा कोई वफ़ा के लिए
हज़ार बार मिले वो मगर नसीब की बात
कभी ज़बाँ न खुली अर्ज़-ए-मुद्दआ के लिए
कोई ज़रूर है दीदार-ए-आख़िरी में नक़ाब
हज़ार वक़्त पड़े हैं तिरी हया के लिए
मुझे मिटा तो रहे हो मआल भी सोचो
ख़ता मुआ'फ़ तरस जाओगे वफ़ा के लिए
वो जान कर मुझे तन्हा मिरी नहीं सुनते
कहाँ से लाऊँ ज़माने को इल्तिजा के लिए
मिरे जले हुए तिनकों की गर्मियाँ तौबा
खुला हुआ है गरेबान-ए-गुल हवा के लिए
मरीज़ कितना था ख़ुद्दार जान तक दे दी
मगर ज़बाँ न खुली अर्ज़-ए-मुद्दआ के लिए
वो इब्तिदा-ए-मोहब्बत वो एहतियात-ए-कलाम
बनाए जाते थे अल्फ़ाज़ इल्तिजा के लिए
ज़रा मरीज़-ए-मोहब्बत को तुम भी देख आओ
कि मनअ' करते हैं अब चारागर दवा के लिए
'क़मर' नहीं है वफ़ादार ख़ैर यूँही सही
हुज़ूर और कोई ढूँढ लें वफ़ा के लिए
ye roz hashr kā aur shikva-e-vafā ke liye
ḳhudā ke sāmne to chup raho ḳhudā ke liye
ilāhī vaqt badal de mirī qazā ke liye
jo koste the vo baiThe haiñ ab duā ke liye
bhañvar se naav bache tere bas kī baat nahīñ
ḳhudā pe chhoḌ de ai nāḳhudā ḳhudā ke liye
hamāre vāste marnā to koī baat nahīñ
magar tumheñ na milegā koī vafā ke liye
hazār baar mile vo magar nasīb kī baat
kabhī zabāñ na khulī arz-e-mudda.ā ke liye
koī zarūr hai dīdār-e-āḳhirī meñ naqāb
hazār vaqt paḌe haiñ tirī hayā ke liye
mujhe miTā to rahe ho ma.aal bhī socho
ḳhatā muaaf taras jāoge vafā ke liye
vo jaan kar mujhe tanhā mirī nahīñ sunte
kahāñ se lā.ūñ zamāne ko iltijā ke liye
mire jale hue tinkoñ kī garmiyāñ tauba
khulā huā hai garebān-e-gul havā ke liye
marīz kitnā thā ḳhuddār jaan tak de dī
magar zabāñ na khulī arz-e-mudda.ā ke liye
vo ibtidā-e-mohabbat vo ehtiyāt-e-kalām
banā.e jaate the alfāz iltijā ke liye
zarā marīz-e-mohabbat ko tum bhī dekh aao
ki man.a karte haiñ ab chāragar davā ke liye
'qamar' nahīñ hai vafādār ḳhair yūñhī sahī
huzūr aur koī DhūñDh leñ vafā ke liye
یہ روز حشر کا اور شکوۂ وفا کے لئے
خدا کے سامنے تو چپ رہو خدا کے لئے
الٰہی وقت بدل دے مری قضا کے لئے
جو کوستے تھے وہ بیٹھے ہیں اب دعا کے لئے
بھنور سے ناؤ بچے تیرے بس کی بات نہیں
خدا پہ چھوڑ دے اے ناخدا خدا کے لئے
ہمارے واسطے مرنا تو کوئی بات نہیں
مگر تمہیں نہ ملے گا کوئی وفا کے لئے
ہزار بار ملے وہ مگر نصیب کی بات
کبھی زباں نہ کھلی عرض مدعا کے لئے
کوئی ضرور ہے دیدار آخری میں نقاب
ہزار وقت پڑے ہیں تری حیا کے لئے
مجھے مٹا تو رہے ہو مآل بھی سوچو
خطا معاف ترس جاؤ گے وفا کے لئے
وہ جان کر مجھے تنہا مری نہیں سنتے
کہاں سے لاؤں زمانے کو التجا کے لئے
مرے جلے ہوئے تنکوں کی گرمیاں توبہ
کھلا ہوا ہے گریبان گل ہوا کے لئے
مریض کتنا تھا خوددار جان تک دے دی
مگر زباں نہ کھلی عرض مدعا کے لئے
وہ ابتدائے محبت وہ احتیاط کلام
بنائے جاتے تھے الفاظ التجا کے لئے
ذرا مریض محبت کو تم بھی دیکھ آؤ
کہ منع کرتے ہیں اب چارہ گر دوا کے لئے
قمرؔ نہیں ہے وفادار خیر یوں ہی سہی
حضور اور کوئی ڈھونڈھ لیں وفا کے لئے