अब तो मुँह से बोल मुझ को देख दिन भर हो गया
ऐ बुत-ए-ख़ामोश क्या सच-मुच का पत्थर हो गया
अब तो चुप हो बाग़ में नालों से महशर हो गया
ये भी ऐ बुलबुल कोई सय्याद का घर हो गया
इल्तिमास-ए-क़त्ल पर कहते हो फ़ुर्सत ही नहीं
अब तुम्हें इतना ग़ुरूर अल्लाहु-अकबर हो गया
महफ़िल-ए-दुश्मन में जो गुज़री वो मेरे दिल से पूछ
हर इशारा जुम्बिश-ए-अबरू का ख़ंजर हो गया
आशियाने का बताएँ क्या पता ख़ाना-ब-दोश
चार तिनके रख लिए जिस शाख़ पर घर हो गया
हिर्स तो देखो फ़लक भी मुझ पे करता है सितम
कोई पूछे तो भी क्या उन के बराबर हो गया
सोख़्ता दिल में न मिलता तीर को ख़ूँ ऐ 'क़मर'
ये भी कुछ मेहमाँ की क़िस्मत से मयस्सर हो गया
ab to muñh se bol mujh ko dekh din bhar ho gayā
ai but-e-ḳhāmosh kyā sach-much kā patthar ho gayā
ab to chup ho baaġh meñ nāloñ se mahshar ho gayā
ye bhī ai bulbul koī sayyād kā ghar ho gayā
iltimās-e-qatl par kahte ho fursat hī nahīñ
ab tumheñ itnā ġhurūr allāhu-akbar ho gayā
mahfil-e-dushman meñ jo guzrī vo mere dil se pūchh
har ishāra jumbish-e-abrū kā ḳhanjar ho gayā
āshiyāne kā batā.eñ kyā pata ḳhāna-ba-dosh
chaar tinke rakh liye jis shāḳh par ghar ho gayā
hirs to dekho falak bhī mujh pe kartā hai sitam
koī pūchhe to bhī kyā un ke barābar ho gayā
soḳhta dil meñ na miltā tiir ko ḳhuuñ ai 'qamar'
ye bhī kuchh mehmāñ kī qismat se mayassar ho gayā
اب تو منہ سے بول مجھ کو دیکھ دن بھر ہو گیا
اے بت خاموش کیا سچ مچ کا پتھر ہو گیا
اب تو چپ ہو باغ میں نالوں سے محشر ہو گیا
یہ بھی اے بلبل کوئی صیاد کا گھر ہو گیا
التماس قتل پر کہتے ہو فرصت ہی نہیں
اب تمہیں اتنا غرور اللہ اکبر ہو گیا
محفل دشمن میں جو گزری وہ میرے دل سے پوچھ
ہر اشارہ جنبش ابرو کا خنجر ہو گیا
آشیانے کا بتائیں کیا پتہ خانہ بدوش
چار تنکے رکھ لئے جس شاخ پر گھر ہو گیا
حرص تو دیکھو فلک بھی مجھ پہ کرتا ہے ستم
کوئی پوچھے تو بھی کیا ان کے برابر ہو گیا
سوختہ دل میں نہ ملتا تیر کو خوں اے قمرؔ
یہ بھی کچھ مہماں کی قسمت سے میسر ہو گیا