आह को समझे हो क्या दिल से अगर हो जाएगी
वो तो वो उन के फ़रिश्तों को ख़बर हो जाएगी
पूरी क्या मूसा तमन्ना तूर पर हो जाएगी
तुम अगर ऊपर गए नीची नज़र हो जाएगी
क्या इन आहों से शब-ए-ग़म मुख़्तसर हो जाएगी
ये सहर होने की बातें हैं सहर हो जाएगी
आ तो जाएँगे वो मेरी आह-ए-पुर-तासीर से
महफ़िल-ए-दुश्मन में रुस्वाई मगर हो जाएगी
किस से पूछेंगे वो मेरे रात के मरने का हाल
तू भी अब ख़ामोश ऐ शम-ए-सहर हो जाएगी
ये बहुत अच्छा हुआ आएँगे वो पिछले पहर
चाँदनी भी ख़त्म जब तक ऐ 'क़मर' हो जाएगी
aah ko samjhe ho kyā dil se agar ho jā.egī
vo to vo un ke farishtoñ ko ḳhabar ho jā.egī
puurī kyā muusā tamannā tuur par ho jā.egī
tum agar uupar ga.e nīchī nazar ho jā.egī
kyā in aahoñ se shab-e-ġham muḳhtasar ho jā.egī
ye sahar hone kī bāteñ haiñ sahar ho jā.egī
aa to jā.eñge vo merī āh-e-pur-tāsīr se
mahfil-e-dushman meñ rusvā.ī magar ho jā.egī
kis se pūchheñge vo mere raat ke marne kā haal
tū bhī ab ḳhāmosh ai sham-e-sahar ho jā.egī
ye bahut achchhā huā ā.eñge vo pichhle pahar
chāñdnī bhī ḳhatm jab tak ai 'qamar' ho jā.egī
آہ کو سمجھے ہو کیا دل سے اگر ہو جائے گی
وہ تو وہ ان کے فرشتوں کو خبر ہو جائے گی
پوری کیا موسیٰ تمنا طور پر ہو جائے گی
تم اگر اوپر گئے نیچی نظر ہو جائے گی
کیا ان آہوں سے شب غم مختصر ہو جائے گی
یہ سحر ہونے کی باتیں ہیں سحر ہو جائے گی
آ تو جائیں گے وہ میری آہ پر تاثیر سے
محفل دشمن میں رسوائی مگر ہو جائے گی
کس سے پوچھیں گے وہ میرے رات کے مرنے کا حال
تو بھی اب خاموش اے شمع سحر ہو جائے گی
یہ بہت اچھا ہوا آئیں گے وہ پچھلے پہر
چاندنی بھی ختم جب تک اے قمرؔ ہو جائے گی