अब कैसे रफ़ू पैराहन हो इस आवारा दीवाने का
क्या जाने गरेबाँ होगा कहाँ दामन से बड़ा वीराने का
वाइ'ज़ न सुनेगा साक़ी की लालच है उसे पैमाने का
मुझ से हों अगर ऐसी बातें मैं नाम न लूँ मयख़ाने का
क्या जाने कहेगा क्या आ कर है दौर यहाँ पैमाने का
अल्लाह करे वाइ'ज़ को कभी रस्ता न मिले मयख़ाने का
तुर्बत से लगा करता महशर सुनते हैं कोई मिलता ही नहीं
मंज़िल है बड़ी आबादी की रस्ता है बड़ा वीराने का
जन्नत में पिएगा क्यूँकर ऐ शैख़ यहाँ गर मश्क़ न की
अब माने न माने तेरी ख़ुशी है काम मिरा समझाने का
जी चाहा जहाँ पर रो दिया है पाँव में चुभे और टूट गए
ख़ारों ने भी दिल में सोच लिया है कौन यहाँ दीवाने का
हैं तंग तिरी मय-कश साक़ी ये पढ़ के नमाज़ आता है यहीं
या शैख़ की तौबा तुड़वा दे या वक़्त बदल मयख़ाने का
हर सुब्ह को आह सर से दिल-ए-शादाब जराहत रहता है
गर यूँ ही रहेगी बाद-ए-सहर ये फूल नहीं मुरझाने का
बहके हुए वाइ'ज़ से मिल कर क्यूँ बैठे हुए हो मय-ख़्वारो
गर तोड़ दे ये सब जाम-ओ-सुबू क्या कर लोगे दीवाने का
अहबाब ये तुम कहते हो बजा वो बज़्म-ए-अदू में बैठे हैं
वो आएँ न आएँ उन की ख़ुशी चर्चा तो करो मर जाने का
उस वक़्त खुलेगा हिस को भी एहसास-ए-मोहब्बत है कि नहीं
जब शम्अ' सर-ए-महफ़िल रो कर मुँह देखेगी परवाने का
बादल के अंधेरे में छुप कर मयख़ाने में आ बैठा है
गर चाँदनी हो जाएगी 'क़मर' ये शैख़ नहीं फिर जाने का
ab kaise rafū pairāhan ho is āvāra dīvāne kā
kyā jaane garebāñ hogā kahāñ dāman se baḌā vīrāne kā
vaa.iz na sunegā saaqī kī lālach hai use paimāne kā
mujh se hoñ agar aisī bāteñ maiñ naam na luuñ maiḳhāne kā
kyā jaane kahegā kyā aa kar hai daur yahāñ paimāne kā
allāh kare vaa.iz ko kabhī rasta na mile maiḳhāne kā
turbat se lagā kartā mahshar sunte haiñ koī miltā hī nahīñ
manzil hai baḌī ābādī kī rasta hai baḌā vīrāne kā
jannat meñ piyegā kyūñkar ai shaiḳh yahāñ gar mashq na kī
ab maane na maane terī ḳhushī hai kaam mirā samjhāne kā
jī chāhā jahāñ par ro diyā hai paañv meñ chubhe aur TuuT ga.e
ḳhāroñ ne bhī dil meñ soch liyā hai kaun yahāñ dīvāne kā
haiñ tañg tirī mai-kash saaqī ye paḌh ke namāz aatā hai yahīñ
yā shaiḳh kī tauba tuḌvā de yā vaqt badal maiḳhāne kā
har sub.h ko aah sar se dil-e-shādāb jarāhat rahtā hai
gar yuuñ hī rahegī bād-e-sahar ye phuul nahīñ murjhāne kā
bahke hue vaa.iz se mil kar kyuuñ baiThe hue ho mai-ḳhvāro
gar toḌ de ye sab jām-o-subū kyā kar loge dīvāne kā
ahbāb ye tum kahte ho bajā vo bazm-e-adū meñ baiThe haiñ
vo aa.eñ na aa.eñ un kī ḳhushī charchā to karo mar jaane kā
us vaqt khulegā his ko bhī ehsās-e-mohabbat hai ki nahīñ
jab sham.a sar-e-mahfil ro kar muñh dekhegī parvāne kā
bādal ke añdhere meñ chhup kar maiḳhāne meñ aa baiThā hai
gar chāñdnī ho jā.egī 'qamar' ye shaiḳh nahīñ phir jaane kā
اب کیسے رفو پیراہن ہو اس آوارہ دیوانے کا
کیا جانے گریباں ہوگا کہاں دامن سے بڑا ویرانے کا
واعظ نہ سنے گا ساقی کی لالچ ہے اسے پیمانے کا
مجھ سے ہوں اگر ایسی باتیں میں نام نہ لوں میخانے کا
کیا جانے کہے گا کیا آ کر ہے دور یہاں پیمانے کا
اللہ کرے واعظ کو کبھی رستہ نہ ملے میخانے کا
تربت سے لگا کرتا محشر سنتے ہیں کوئی ملتا ہی نہیں
منزل ہے بڑی آبادی کی رستہ ہے بڑا ویرانے کا
جنت میں پیے گا کیونکر اے شیخ یہاں گر مشق نہ کی
اب مانے نہ مانے تیری خوشی ہے کام مرا سمجھانے کا
جی چاہا جہاں پر رو دیا ہے پاؤں میں چبھے اور ٹوٹ گئے
خاروں نے بھی دل میں سوچ لیا ہے کون یہاں دیوانے کا
ہیں تنگ تری مے کش ساقی یہ پڑھ کے نماز آتا ہے یہیں
یا شیخ کی توبہ تڑوا دے یا وقت بدل میخانے کا
ہر صبح کو آہ سر سے دل شاداب جراحت رہتا ہے
گر یوں ہی رہے گی باد سحر یہ پھول نہیں مرجھانے کا
بہکے ہوئے واعظ سے مل کر کیوں بیٹھے ہوئے ہو مے خوارو
گر توڑ دے یہ سب جام و سبو کیا کر لو گے دیوانے کا
احباب یہ تم کہتے ہو بجا وہ بزم عدو میں بیٹھے ہیں
وہ آئیں نہ آئیں ان کی خوشی چرچا تو کرو مر جانے کا
اس وقت کھلے گا حس کو بھی احساس محبت ہے کہ نہیں
جب شمع سر محفل رو کر منہ دیکھے گی پروانے کا
بادل کے اندھیرے میں چھپ کر میخانے میں آ بیٹھا ہے
گر چاندنی ہو جائے گی قمرؔ یہ شیخ نہیں پھر جانے کا