अबरू तो दिखा दीजिए शमशीर से पहले
तक़्सीर तो कुछ हो मिरी ताज़ीर से पहले
मालूम हुआ अब मिरी क़िस्मत में नहीं तुम
मिलना था मुझे कातिब-ए-तक़दीर से पहले
ऐ दस्त-ए-जुनूँ तोड़ न दरवाज़ा-ए-ज़िंदाँ
मैं पूछ तो लूँ पाँव की ज़ंजीर से पहले
अच्छा हुआ आख़िर मिरी क़िस्मत में सितम थे
तुम मिल गए मुझ को फ़लक-ए-पीर से पहले
बैठे रहो ऐसी भी मुसव्विर से हया क्या
काहे को खिंचे जाते हो तस्वीर से पहले
देखो तो 'क़मर' उन को बुला कर शब-ए-वादा
तक़दीर पे बरहम न हो तदबीर से पहले
abrū to dikhā dījiye shamshīr se pahle
taqsīr to kuchh ho mirī tāzīr se pahle
mālūm huā ab mirī qismat meñ nahīñ tum
milnā thā mujhe kātib-e-taqdīr se pahle
ai dast-e-junūñ toḌ na darvāza-e-zindāñ
maiñ pūchh to luuñ paañv kī zanjīr se pahle
achchhā huā āḳhir mirī qismat meñ sitam the
tum mil ga.e mujh ko falak-e-pīr se pahle
baiThe raho aisī bhī musavvir se hayā kyā
kaahe ko khiñche jaate ho tasvīr se pahle
dekho to 'qamar' un ko bulā kar shab-e-vāda
taqdīr pe barham na ho tadbīr se pahle
ابرو تو دکھا دیجئے شمشیر سے پہلے
تقصیر تو کچھ ہو مری تعزیر سے پہلے
معلوم ہوا اب مری قسمت میں نہیں تم
ملنا تھا مجھے کاتب تقدیر سے پہلے
اے دست جنوں توڑ نہ دروازۂ زنداں
میں پوچھ تو لوں پاؤں کی زنجیر سے پہلے
اچھا ہوا آخر مری قسمت میں ستم تھے
تم مل گئے مجھ کو فلک پیر سے پہلے
بیٹھے رہو ایسی بھی مصور سے حیا کیا
کاہے کو کھنچے جاتے ہو تصویر سے پہلے
دیکھو تو قمرؔ ان کو بلا کر شب وعدہ
تقدیر پہ برہم نہ ہو تدبیر سے پہلے