ये रंग तिरे शहर के सहरा में कहाँ हैं
गलियाँ हैं न कूचे हैं मकीं हैं न मकाँ हैं
आँखों में छुपा रक्खे हैं अश्कों के ख़ज़ीने
हम ग़म की इनायात से महरूम कहाँ हैं
झलकेंगे किसी रोज़ यही लफ़्ज़-ओ-बयाँ में
आईना-ए-एहसास में जो अक्स निहाँ हैं
रखते हैं जो मुख़्तारी-ए-इंसाँ की तमन्ना
मजबूरी-ए-इंसाँ पे अभी अश्क-फ़िशाँ हैं
आँखों में कोई मौज-ए-शफ़क़-रंग नहीं क्यों
दिल में तो अभी ख़ून के दरिया से रवाँ हैं
तख़्लीक़-ए-मुसव्विर को ज़रा ग़ौर से देखो
रंगों के तनासुब में कई रंग निहाँ हैं
क्या काम हमें माल-ओ-ज़र-ओ-सीम से 'शाहिद'
हम अहल-ए-सुख़न अहल-ए-क़लम अहल-ए-ज़बाँ हैं
ye rañg tire shahr ke sahrā meñ kahāñ haiñ
galiyāñ haiñ na kūche haiñ makīñ haiñ na makāñ haiñ
āñkhoñ meñ chhupā rakkhe haiñ ashkoñ ke ḳhazīne
ham ġham kī ināyāt se mahrūm kahāñ haiñ
jhalkeñge kisī roz yahī lafz-o-bayāñ meñ
ā.īna-e-ehsās meñ jo aks nihāñ haiñ
rakhte haiñ jo muḳhtārī-e-insāñ kī tamannā
majbūrī-e-insāñ pe abhī ashk-fishāñ haiñ
āñkhoñ meñ koī mauj-e-shafaq-rañg nahīñ kyoñ
dil meñ to abhī ḳhuun ke dariyā se ravāñ haiñ
taḳhlīq-e-musavvir ko zarā ġhaur se dekho
rañgoñ ke tanāsub meñ ka.ī rañg nihāñ haiñ
kyā kaam hameñ māl-o-zar-o-sīm se 'shāhid'
ham ahl-e-suḳhan ahl-e-qalam ahl-e-zabāñ haiñ
یہ رنگ ترے شہر کے صحرا میں کہاں ہیں
گلیاں ہیں نہ کوچے ہیں مکیں ہیں نہ مکاں ہیں
آنکھوں میں چھپا رکھے ہیں اشکوں کے خزینے
ہم غم کی عنایات سے محروم کہاں ہیں
جھلکیں گے کسی روز یہی لفظ و بیاں میں
آئینۂ احساس میں جو عکس نہاں ہیں
رکھتے ہیں جو مختاریٔ انساں کی تمنا
مجبوریٔ انساں پہ ابھی اشک فشاں ہیں
آنکھوں میں کوئی موج شفق رنگ نہیں کیوں
دل میں تو ابھی خون کے دریا سے رواں ہیں
تخلیق مصور کو ذرا غور سے دیکھو
رنگوں کے تناسب میں کئی رنگ نہاں ہیں
کیا کام ہمیں مال و زر و سیم سے شاہدؔ
ہم اہل سخن اہل قلم اہل زباں ہیں