बे-इरादा कूचा-ए-क़ातिल में जाना पड़ गया
फिर हमें अपना मुक़द्दर आज़माना पड़ गया
क्या करोगे जब कभी शहर-ए-तमन्ना में तुम्हें
हम से बे-आबाद लोगों को बसाना पड़ गया
अपने बिगड़े ख़ाल-ओ-ख़द को आइने में देख कर
आइना इक आइना-गर को दिखाना पड़ गया
देख कर उस का रवय्या ख़ुद बुझाया था जिसे
वो चराग़-ए-आरज़ू फिर से जलाना पड़ गया
हिद्दत-ए-जज़्बात से जलने लगा था तन-बदन
फिर थपक कर इन शरारों को सुलाना पड़ गया
क्या कहें हम मौसमों के देवता को किस लिए
दश्त-ओ-सहरा में बगूलों को सजाना पड़ गया
देखना अहल-ए-चमन 'शाहिद' बुलाएँगे हमें
जब चमन को बाद-ए-सर-सर से बचाना पड़ गया
be-irāda kūcha-e-qātil meñ jaanā paḌ gayā
phir hameñ apnā muqaddar āzmānā paḌ gayā
kyā karoge jab kabhī shahr-e-tamannā meñ tumheñ
ham se be-ābād logoñ ko basānā paḌ gayā
apne bigḌe ḳhāl-o-ḳhad ko aa.ine meñ dekh kar
aa.ina ik ā.ina-gar ko dikhānā paḌ gayā
dekh kar us kā ravayya ḳhud bujhāyā thā jise
vo charāġh-e-ārzū phir se jalānā paḌ gayā
hiddat-e-jazbāt se jalne lagā thā tan-badan
phir thapak kar in sharāroñ ko sulānā paḌ gayā
kyā kaheñ ham mausamoñ ke devtā ko kis liye
dasht-o-sahrā meñ bagūloñ ko sajānā paḌ gayā
dekhnā ahl-e-chaman 'shāhid' bulā.eñge hameñ
jab chaman ko bād-e-sar-sar se bachānā paḌ gayā
بے ارادہ کوچۂ قاتل میں جانا پڑ گیا
پھر ہمیں اپنا مقدر آزمانا پڑ گیا
کیا کرو گے جب کبھی شہر تمنا میں تمہیں
ہم سے بے آباد لوگوں کو بسانا پڑ گیا
اپنے بگڑے خال و خد کو آئنے میں دیکھ کر
آئنہ اک آئینہ گر کو دکھانا پڑ گیا
دیکھ کر اس کا رویہ خود بجھایا تھا جسے
وہ چراغ آرزو پھر سے جلانا پڑ گیا
حدت جذبات سے جلنے لگا تھا تن بدن
پھر تھپک کر ان شراروں کو سلانا پڑ گیا
کیا کہیں ہم موسموں کے دیوتا کو کس لیے
دشت و صحرا میں بگولوں کو سجانا پڑ گیا
دیکھنا اہل چمن شاہدؔ بلائیں گے ہمیں
جب چمن کو باد صرصر سے بچانا پڑ گیا