ये रंग है तो कहाँ ज़ब्त का रहेगा भरम
न अब वो नाज़-ए-तग़ाफ़ुल न मुझ पे जौर-ओ-सितम
ये शाख़-ए-गुल है कि दिल की जराहतों का अलम
हर एक गुल नज़र आता है ज़ख़्म-ए-बे-मरहम
ग़ुबार-ए-राह कहीं है न कोई नक़्श-ए-क़दम
अभी अभी तो यहीं थे मुसाफ़िरान-ए-अदम
अब आ गए हैं तो आदाब-ए-मय-कशी की क़सम
बस एक जाम-ए-रिफ़ाक़त जनाब-ए-शैख़-ए-हरम
उठा था कौन ये मीना-बदोश-ओ-जाम-ब-कफ़
कि आज टूट के बरसा है अब्र-ए-बे-मौसम
कभी हया ने कभी किब्र-ए-हुस्न ने रोका
रही तो उन की तवज्जोह इधर मगर कम-कम
मगर है फ़ितरत-ए-इंसाँ में आज़री पिन्हाँ
तराशता है हर इक शख़्स ख़्वाहिशों के सनम
उन्हें भी तर्क-ए-तअ'ल्लुक़ का 'राज़' ग़म है मगर
बढ़ेगी बात अगर हो गई वो आँख भी नम
ye rang hai to kahāñ zabt kā rahegā bharam
na ab vo nāz-e-taġhāful na mujh pe jaur-o-sitam
ye shāḳh-e-gul hai ki dil kī jarāhatoñ kā alam
har ek gul nazar aatā hai zaḳhm-e-be-marham
ġhubār-e-rāh kahīñ hai na koī naqsh-e-qadam
abhī abhī to yahīñ the musāfirān-e-adam
ab aa ga.e haiñ to ādāb-e-mai-kashī kī qasam
bas ek jām-e-rifāqat janāb-e-shaiḳh-e-haram
uThā thā kaun ye mīnā-ba-dosh-o-jām-ba-kaf
ki aaj TuuT ke barsā hai abr-e-be-mausam
kabhī hayā ne kabhī kibr-e-husn ne rokā
rahī to un kī tavajjoh idhar magar kam-kam
magar hai fitrat-e-insāñ meñ āzarī pinhāñ
tarāshtā hai har ik shaḳhs ḳhvāhishoñ ke sanam
unheñ bhī tark-e-ta.alluq kā 'rāz' ġham hai magar
baḌhegī baat agar ho ga.ī vo aañkh bhī nam
یہ رنگ ہے تو کہاں ضبط کا رہے گا بھرم
نہ اب وہ ناز تغافل نہ مجھ پہ جور و ستم
یہ شاخ گل ہے کہ دل کی جراحتوں کا علم
ہر ایک گل نظر آتا ہے زخم بے مرہم
غبار راہ کہیں ہے نہ کوئی نقش قدم
ابھی ابھی تو یہیں تھے مسافران عدم
اب آ گئے ہیں تو آداب میکشی کی قسم
بس ایک جام رفاقت جناب شیخ حرم
اٹھا تھا کون یہ مینا بدوش و جام بکف
کہ آج ٹوٹ کے برسا ہے ابر بے موسم
کبھی حیا نے کبھی کبر حسن نے روکا
رہی تو ان کی توجہ ادھر مگر کم کم
مگر ہے فطرت انساں میں آذری پنہاں
تراشتا ہے ہر اک شخص خواہشوں کے صنم
انہیں بھی ترک تعلق کا رازؔ غم ہے مگر
بڑھے گی بات اگر ہو گئی وہ آنکھ بھی نم