ये नक़्श हम जो सर-ए-लौह-ए-जाँ बनाते हैं
कोई बनाता है हम ख़ुद कहाँ बनाते हैं
ये सुर ये ताल ये लय कुछ नहीं ब-जुज़ तौफ़ीक़
तो फिर ये क्या है कि हम अर्मुग़ाँ बनाते हैं
समुंदर उस का हवा उस की आसमाँ उस का
वो जिस के इज़्न से हम कश्तियाँ बनाते हैं
ज़मीं की धूप ज़माने की धूप ज़ेहन की धूप
हम ऐसी धूप में भी साएबाँ बनाते हैं
ख़ुद अपनी ख़ाक से करते हैं मौज-ए-नूर कशीद
फिर उस से एक नई कहकशाँ बनाते हैं
कहानी जब नज़र आती है ख़त्म होती हुई
वहीं से एक नई दास्ताँ बनाते हैं
खुली फ़ज़ा में ख़ुश-आवाज़ ताएरों के हुजूम
मगर वो लोग जो तीर ओ सिनाँ बनाते हैं
पलट के आए ग़रीब-उल-वतन पलटना था
ये देखना है कि अब घर कहाँ बनाते हैं
ye naqsh ham jo sar-e-lauh-e-jāñ banāte haiñ
koī banātā hai ham ḳhud kahāñ banāte haiñ
ye sur ye taal ye lai kuchh nahīñ ba-juz taufīq
to phir ye kyā hai ki ham armuġhāñ banāte haiñ
samundar us kā havā us kī āsmāñ us kā
vo jis ke izn se ham kashtiyāñ banāte haiñ
zamīñ kī dhuup zamāne kī dhuup zehn kī dhuup
ham aisī dhuup meñ bhī sā.ebāñ banāte haiñ
ḳhud apnī ḳhaak se karte haiñ mauj-e-nūr kashīd
phir us se ek na.ī kahkashāñ banāte haiñ
kahānī jab nazar aatī hai ḳhatm hotī huī
vahīñ se ek na.ī dāstāñ banāte haiñ
khulī fazā meñ ḳhush-āvāz tā.eroñ ke hujūm
magar vo log jo tiir o sināñ banāte haiñ
palaT ke aa.e ġharīb-ul-vatan palaTnā thā
ye dekhnā hai ki ab ghar kahāñ banāte haiñ
یہ نقش ہم جو سر لوح جاں بناتے ہیں
کوئی بناتا ہے ہم خود کہاں بناتے ہیں
یہ سر یہ تال یہ لے کچھ نہیں بجز توفیق
تو پھر یہ کیا ہے کہ ہم ارمغاں بناتے ہیں
سمندر اس کا ہوا اس کی آسماں اس کا
وہ جس کے اذن سے ہم کشتیاں بناتے ہیں
زمیں کی دھوپ زمانے کی دھوپ ذہن کی دھوپ
ہم ایسی دھوپ میں بھی سائباں بناتے ہیں
خود اپنی خاک سے کرتے ہیں موج نور کشید
پھر اس سے ایک نئی کہکشاں بناتے ہیں
کہانی جب نظر آتی ہے ختم ہوتی ہوئی
وہیں سے ایک نئی داستاں بناتے ہیں
کھلی فضا میں خوش آواز طائروں کے ہجوم
مگر وہ لوگ جو تیر و سناں بناتے ہیں
پلٹ کے آئے غریب الوطن پلٹنا تھا
یہ دیکھنا ہے کہ اب گھر کہاں بناتے ہیں