अज़ाब ये भी किसी और पर नहीं आया
कि एक उम्र चले और घर नहीं आया
उस एक ख़्वाब की हसरत में जल बुझीं आँखें
वो एक ख़्वाब कि अब तक नज़र नहीं आया
करें तो किस से करें ना-रसाइयों का गिला
सफ़र तमाम हुआ हम-सफ़र नहीं आया
दिलों की बात बदन की ज़बाँ से कह देते
ये चाहते थे मगर दिल इधर नहीं आया
अजीब ही था मिरे दौर-ए-गुमरही का रफ़ीक़
बिछड़ गया तो कभी लौट कर नहीं आया
हरीम-ए-लफ़्ज़-ओ-मआनी से निस्बतें भी रहीं
मगर सलीक़ा-ए-अर्ज़-ए-हुनर नहीं आया
azaab ye bhī kisī aur par nahīñ aayā
ki ek umr chale aur ghar nahīñ aayā
us ek ḳhvāb kī hasrat meñ jal bujhīñ āñkheñ
vo ek ḳhvāb ki ab tak nazar nahīñ aayā
kareñ to kis se kareñ nā-rasā.iyoñ kā gila
safar tamām huā ham-safar nahīñ aayā
diloñ kī baat badan kī zabāñ se kah dete
ye chāhte the magar dil idhar nahīñ aayā
ajiib hī thā mire daur-e-gumrahī kā rafīq
bichhaḌ gayā to kabhī lauT kar nahīñ aayā
harīm-e-lafz-o-ma.ānī se nisbateñ bhī rahīñ
magar salīqa-e-arz-e-hunar nahīñ aayā
عذاب یہ بھی کسی اور پر نہیں آیا
کہ ایک عمر چلے اور گھر نہیں آیا
اس ایک خواب کی حسرت میں جل بجھیں آنکھیں
وہ ایک خواب کہ اب تک نظر نہیں آیا
کریں تو کس سے کریں نا رسائیوں کا گلہ
سفر تمام ہوا ہم سفر نہیں آیا
دلوں کی بات بدن کی زباں سے کہہ دیتے
یہ چاہتے تھے مگر دل ادھر نہیں آیا
عجیب ہی تھا مرے دور گمرہی کا رفیق
بچھڑ گیا تو کبھی لوٹ کر نہیں آیا
حریم لفظ و معانی سے نسبتیں بھی رہیں
مگر سلیقۂ عرض ہنر نہیں آیا