अज़ाब-ए-वहशत-ए-जाँ का सिला न माँगे कोई
नए सफ़र के लिए रास्ता न माँगे कोई
बुलंद हाथों में ज़ंजीर डाल देते हैं
अजीब रस्म चली है दुआ न माँगे कोई
तमाम शहर मुकर्रम बस एक मुजरिम मैं
सो मेरे बा'द मिरा ख़ूँ-बहा न माँगे कोई
कोई तो शहर-ए-तज़ब्ज़ुब के साकिनों से कहे
न हो यक़ीन तो फिर मो'जिज़ा न माँगे कोई
अज़ाब-ए-गर्द-ए-ख़िज़ाँ भी न हो बहार भी आए
इस एहतियात से अज्र-ए-वफ़ा न माँगे कोई
azāb-e-vahshat-e-jāñ kā sila na māñge koī
na.e safar ke liye rāsta na māñge koī
buland hāthoñ meñ zanjīr Daal dete haiñ
ajiib rasm chalī hai duā na māñge koī
tamām shahr mukarram bas ek mujrim maiñ
so mere ba.ad mirā ḳhūñ-bahā na māñge koī
koī to shahr-e-tazabzub ke sākinoñ se kahe
na ho yaqīn to phir mo.ajiza na māñge koī
azāb-e-gard-e-ḳhizāñ bhī na ho bahār bhī aa.e
is ehtiyāt se ajr-e-vafā na māñge koī
عذاب وحشت جاں کا صلہ نہ مانگے کوئی
نئے سفر کے لیے راستہ نہ مانگے کوئی
بلند ہاتھوں میں زنجیر ڈال دیتے ہیں
عجیب رسم چلی ہے دعا نہ مانگے کوئی
تمام شہر مکرم بس ایک مجرم میں
سو میرے بعد مرا خوں بہا نہ مانگے کوئی
کوئی تو شہر تذبذب کے ساکنوں سے کہے
نہ ہو یقین تو پھر معجزہ نہ مانگے کوئی
عذاب گرد خزاں بھی نہ ہو بہار بھی آئے
اس احتیاط سے اجر وفا نہ مانگے کوئی