बस्ती भी समुंदर भी बयाबाँ भी मिरा है
आँखें भी मिरी ख़्वाब-ए-परेशाँ भी मिरा है
जो डूबती जाती है वो कश्ती भी है मेरी
जो टूटता जाता है वो पैमाँ भी मिरा है
जो हाथ उठे थे वो सभी हाथ थे मेरे
जो चाक हुआ है वो गिरेबाँ भी मिरा है
जिस की कोई आवाज़ न पहचान न मंज़िल
वो क़ाफ़िला-ए-बे-सर-ओ-सामाँ भी मिरा है
वीराना-ए-मक़तल पे हिजाब आया तो इस बार
ख़ुद चीख़ पड़ा मैं कि ये उनवाँ भी मिरा है
वारफ़्तगी-ए-सुब्ह-ए-बशारत को ख़बर क्या
अंदेशा-ए-सद-शाम-ए-ग़रीबाँ भी मिरा है
मैं वारिस-ए-गुल हूँ कि नहीं हूँ मगर ऐ जान
ख़मयाज़ा-ए-तौहीन-ए-बहाराँ भी मिरा है
मिट्टी की गवाही से बड़ी दिल की गवाही
यूँ हो तो ये ज़ंजीर ये ज़िंदाँ भी मिरा है
bastī bhī samundar bhī bayābāñ bhī mirā hai
āñkheñ bhī mirī ḳhvāb-e-pareshāñ bhī mirā hai
jo Dūbtī jaatī hai vo kashtī bhī hai merī
jo TūTtā jaatā hai vo paimāñ bhī mirā hai
jo haath uThe the vo sabhī haath the mere
jo chaak huā hai vo girebāñ bhī mirā hai
jis kī koī āvāz na pahchān na manzil
vo qāfila-e-be-sar-o-sāmāñ bhī mirā hai
vīrāna-e-maqtal pe hijāb aayā to is baar
ḳhud chīḳh paḌā maiñ ki ye unvāñ bhī mirā hai
vāraftagi-e-sub.h-e-bashārat ko ḳhabar kyā
andesha-e-sad-shām-e-ġharībāñ bhī mirā hai
maiñ vāris-e-gul huuñ ki nahīñ huuñ magar ai jaan
ḳhamyāza-e-tauhīn-e-bahārāñ bhī mirā hai
miTTī kī gavāhī se baḌī dil kī gavāhī
yuuñ ho to ye zanjīr ye zindāñ bhī mirā hai
بستی بھی سمندر بھی بیاباں بھی مرا ہے
آنکھیں بھی مری خواب پریشاں بھی مرا ہے
جو ڈوبتی جاتی ہے وہ کشتی بھی ہے میری
جو ٹوٹتا جاتا ہے وہ پیماں بھی مرا ہے
جو ہاتھ اٹھے تھے وہ سبھی ہاتھ تھے میرے
جو چاک ہوا ہے وہ گریباں بھی مرا ہے
جس کی کوئی آواز نہ پہچان نہ منزل
وہ قافلۂ بے سر و ساماں بھی مرا ہے
ویرانۂ مقتل پہ حجاب آیا تو اس بار
خود چیخ پڑا میں کہ یہ عنواں بھی مرا ہے
وارفتگیٔ صبح بشارت کو خبر کیا
اندیشۂ صد شام غریباں بھی مرا ہے
میں وارث گل ہوں کہ نہیں ہوں مگر اے جان
خمیازۂ توہین بہاراں بھی مرا ہے
مٹی کی گواہی سے بڑی دل کی گواہی
یوں ہو تو یہ زنجیر یہ زنداں بھی مرا ہے