दयार-ए-नूर में तीरा-शबों का साथी हो
कोई तो हो जो मिरी वहशतों का साथी हो
मैं उस से झूट भी बोलूँ तो मुझ से सच बोले
मिरे मिज़ाज के सब मौसमों का साथी हो
मैं उस के हाथ न आऊँ वो मेरा हो के रहे
मैं गिर पड़ूँ तो मिरी पस्तियों का साथी हो
वो मेरे नाम की निस्बत से मो'तबर ठहरे
गली गली मिरी रुस्वाइयों का साथी हो
करे कलाम जो मुझ से तो मेरे लहजे में
मैं चुप रहूँ तो मिरे तेवरों का साथी हो
मैं अपने आप को देखूँ वो मुझ को देखे जाए
वो मेरे नफ़्स की गुमराहियों का साथी हो
वो ख़्वाब देखे तो देखे मिरे हवाले से
मिरे ख़याल के सब मंज़रों का साथी हो
dayār-e-nūr meñ tīra-shaboñ kā sāthī ho
koī to ho jo mirī vahshatoñ kā sāthī ho
maiñ us se jhuuT bhī bolūñ to mujh se sach bole
mire mizāj ke sab mausamoñ kā sāthī ho
maiñ us ke haath na aa.uuñ vo merā ho ke rahe
maiñ gir paḌūñ to mirī pastiyoñ kā sāthī ho
vo mere naam kī nisbat se mo'tabar Thahre
galī galī mirī rusvā.iyoñ kā sāthī ho
kare kalām jo mujh se to mere lahje meñ
maiñ chup rahūñ to mire tevaroñ kā sāthī ho
maiñ apne aap ko dekhūñ vo mujh ko dekhe jaa.e
vo mere nafs kī gumrāhiyoñ kā sāthī ho
vo ḳhvāb dekhe to dekhe mire havāle se
mire ḳhayāl ke sab manzaroñ kā sāthī ho
دیار نور میں تیرہ شبوں کا ساتھی ہو
کوئی تو ہو جو مری وحشتوں کا ساتھی ہو
میں اس سے جھوٹ بھی بولوں تو مجھ سے سچ بولے
مرے مزاج کے سب موسموں کا ساتھی ہو
میں اس کے ہاتھ نہ آؤں وہ میرا ہو کے رہے
میں گر پڑوں تو مری پستیوں کا ساتھی ہو
وہ میرے نام کی نسبت سے معتبر ٹھہرے
گلی گلی مری رسوائیوں کا ساتھی ہو
کرے کلام جو مجھ سے تو میرے لہجے میں
میں چپ رہوں تو مرے تیوروں کا ساتھی ہو
میں اپنے آپ کو دیکھوں وہ مجھ کو دیکھے جائے
وہ میرے نفس کی گمراہیوں کا ساتھی ہو
وہ خواب دیکھے تو دیکھے مرے حوالے سے
مرے خیال کے سب منظروں کا ساتھی ہو