ये न समझो कि चराग़ों से निकल जाएँगे
हम उजाले हैं नई सुब्ह में ढल जाएँगे
यूँ न बैठा करो फ़ुटपाथ पे मेरे यारो
लोग गुज़रेंगे तो पैरों से कुचल जाएँगे
इतना बरहम न हो इक अक्स मुकम्मल कर के
हम तिरे आइना-ख़ाने से निकल जाएँगे
चाँद हो फूल हों या खिलते हुए साए हों
तेरे दीवाने किसी तरह बहल जाएँगे
ऐ मिरी चश्म-ए-हज़ीं गिर्या-ए-पैहम मत कर
इतना रोने से तो पत्थर भी पिघल जाएँगे
मुझ से क्या पूछते हो अश्कों की क़ीमत क्या है
ये दिए वो हैं हवाओं में भी जल जाएँगे
इतने लर्ज़ां भी नहीं शाख़ से टूटे हुए हम
गिरते गिरते भी कहीं जा के सँभल जाएँगे
ये हसीं लम्हे जिन्हें थामे हुए हो 'एहसान'
इक न इक दिन तिरे हाथों से फिसल जाएँगे
ye na samjho ki charāġhoñ se nikal jā.eñge
ham ujāle haiñ na.ī sub.h meñ Dhal jā.eñge
yuuñ na baiThā karo fōtpath pe mere yaaro
log guzreñge to pairoñ se kuchal jā.eñge
itnā barham na ho ik aks mukammal kar ke
ham tire ā.ina-ḳhāne se nikal jā.eñge
chāñd ho phuul hoñ yā khilte hue saa.e hoñ
tere dīvāne kisī tarah bahal jā.eñge
ai mirī chashm-e-hazīñ girya-e-paiham mat kar
itnā rone se to patthar bhī pighal jā.eñge
mujh se kyā pūchhte ho ashkoñ kī qīmat kyā hai
ye diye vo haiñ havāoñ meñ bhī jal jā.eñge
itne larzāñ bhī nahīñ shāḳh se TuuTe hue ham
girte girte bhī kahīñ jā ke sañbhal jā.eñge
ye hasīñ lamhe jinheñ thāme hue ho 'ehsān'
ik na ik din tire hāthoñ se phisal jā.eñge
یہ نہ سمجھو کہ چراغوں سے نکل جائیں گے
ہم اجالے ہیں نئی صبح میں ڈھل جائیں گے
یوں نہ بیٹھا کرو فٹ پاتھ پہ میرے یارو
لوگ گزریں گے تو پیروں سے کچل جائیں گے
اتنا برہم نہ ہو اک عکس مکمل کر کے
ہم ترے آئنہ خانے سے نکل جائیں گے
چاند ہو پھول ہوں یا کھلتے ہوئے سائے ہوں
تیرے دیوانے کسی طرح بہل جائیں گے
اے مری چشم حزیں گریۂ پیہم مت کر
اتنا رونے سے تو پتھر بھی پگھل جائیں گے
مجھ سے کیا پوچھتے ہو اشکوں کی قیمت کیا ہے
یہ دئے وہ ہیں ہواؤں میں بھی جل جائیں گے
اتنے لرزاں بھی نہیں شاخ سے ٹوٹے ہوئے ہم
گرتے گرتے بھی کہیں جا کے سنبھل جائیں گے
یہ حسیں لمحے جنہیں تھامے ہوئے ہو احسانؔ
اک نہ اک دن ترے ہاتھوں سے پھسل جائیں گے