ये किस की आरज़ू दिल-ए-शोरीदा-सर में है
दुनिया ख़याल में है न उक़्बा नज़र में है
दिल को है उन के वा'दा-ए-फ़र्दा पे ए'तिबार
अब तक फ़रेब-ए-गर्दिश-ए-शाम-ओ-सहर में है
क्या कीजिए शिकायत-ए-हिरमाँ कि हम-नफ़स
इक मौज-ए-इंफ़िआल किसी की नज़र में है
रुकते नहीं हैं पा-ए-जिहत-आश्ना कहीं
मंज़िल भी एक संग-ए-निशाँ रहगुज़र में है
उनवाँ कहूँ कि 'राज़' उसे जान-ए-दास्ताँ
इक अश्क-ए-मुज़्तरिब जो अभी चश्म-ए-तर में है
ye kis kī aarzū dil-e-shorīda-sar meñ hai
duniyā ḳhayāl meñ hai na uqbā nazar meñ hai
dil ko hai un ke va.ada-e-fardā pe e'tibār
ab tak fareb-e-gardish-e-shām-o-sahar meñ hai
kyā kījiye shikāyat-e-hirmāñ ki ham-nafas
ik mauj-e-infi.āl kisī kī nazar meñ hai
rukte nahīñ haiñ pā-e-jihat-āshnā kahīñ
manzil bhī ek sang-e-nishāñ rahguzar meñ hai
unvāñ kahūñ ki 'rāz' use jān-e-dāstāñ
ik ashk-e-muztarib jo abhī chashm-e-tar meñ hai
یہ کس کی آرزو دل شوریدہ سر میں ہے
دنیا خیال میں ہے نہ عقبیٰ نظر میں ہے
دل کو ہے ان کے وعدۂ فردا پہ اعتبار
اب تک فریب گردش شام و سحر میں ہے
کیا کیجئے شکایت حرماں کہ ہم نفس
اک موج انفعال کسی کی نظر میں ہے
رکتے نہیں ہیں پائے جہت آشنا کہیں
منزل بھی ایک سنگ نشاں رہ گزر میں ہے
عنواں کہوں کہ رازؔ اسے جان داستاں
اک اشک مضطرب جو ابھی چشم تر میں ہے