ये ख़्वाब कि बेदारी-ए-तक़दीर-ए-मोहब्बत
ये ख़्वाब कि अफ़्साना-ए-तासीर-ए-मोहब्बत
क़ुरआन-ए-मोहब्बत है कि तफ़्सीर-ए-मोहब्बत
हर लफ़्ज़ में है आया-ए-ततहीर-ए-मोहब्बत
वो 'इश्क़ की आरास्ता पैरास्ता तिमसाल
मैं हुस्न की खींची हुई तस्वीर-ए-मोहब्बत
सर-ता-ब-क़दम जल्वा-ए-अल्लाहु-जमीलुन
वो हुस्न के अनवार-ओ-तनवीर-ए-मोहब्बत
क़ुर्बान मैं उन की निगह-ए-नाज़ के क़ुर्बां
सौ जान से दिल है हदफ़-ए-तीर-ए-मोहब्बत
दुनिया-ए-मोहब्बत में ख़िरद काम न आई
है कार-ए-जुनूँ साहिब-ए-तक़दीर-ए-मोहब्बत
सद-शुक्र कि उठ ही गए वो होश के पर्दे
काम आ ही गया नाला-ए-शबगीर-ए-मोहब्बत
जिस वक़्त हुआ जोश-ए-जुनूँ सिलसिला-ए-जुम्बाँ
हर साँस बना हल्क़ा-ए-ज़ंजीर-ए-मोहब्बत
वो क़ल्ब की धड़कन में मोहब्बत के फ़साने
गोया लब-ए-ख़ामोश में तक़रीर-ए-मोहब्बत
कल रात को मेहमान था वीराना-ए-दिल में
मे'मार-ए-जुनूँ साहिब-ए-ता'मीर-ए-मोहब्बत
ye ḳhvāb ki bedārī-e-taqdīr-e-mohabbat
ye ḳhvāb ki afsāna-e-tāsīr-e-mohabbat
qur.ān-e-mohabbat hai ki tafsīr-e-mohabbat
har lafz meñ hai āya-e-tat.hīr-e-mohabbat
vo 'ishq kī ārāsta pairāsta timsāl
maiñ husn kī khīñchī huī tasvīr-e-mohabbat
sar-tā-ba-qadam jalva-e-allāhu-jamīlun
vo husn ke anvār-o-tanvīr-e-mohabbat
qurbān maiñ un kī nigah-e-nāz ke qurbāñ
sau jaan se dil hai hadaf-e-tīr-e-mohabbat
duniyā-e-mohabbat meñ ḳhirad kaam na aa.ī
hai kār-e-junūñ sāhib-e-taqdīr-e-mohabbat
sad-shukr ki uTh hī ga.e vo hosh ke parde
kaam aa hī gayā nāla-e-shabgīr-e-mohabbat
jis vaqt huā josh-e-junūñ silsila-e-jumbāñ
har saañs banā halqa-e-zanjīr-e-mohabbat
vo qalb kī dhaḌkan meñ mohabbat ke fasāne
goyā lab-e-ḳhāmosh meñ taqrīr-e-mohabbat
kal raat ko mehmān thā vīrāna-e-dil meñ
me'mār-e-junūñ sāhib-e-tā'mīr-e-mohabbat
یہ خواب کہ بیداریٔ تقدیر محبت
یہ خواب کہ افسانۂ تاثیر محبت
قرآن محبت ہے کہ تفسیر محبت
ہر لفظ میں ہے آیۂ تطہیر محبت
وہ عشق کی آراستہ پیراستہ تمثال
میں حسن کی کھینچی ہوئی تصویر محبت
سر تا بہ قدم جلوۂ اللہ جمیل
وہ حسن کے انوار و تنویر محبت
قربان میں ان کی نگہ ناز کے قرباں
سو جان سے دل ہے ہدف تیر محبت
دنیائے محبت میں خرد کام نہ آئی
ہے کار جنوں صاحب تقدیر محبت
صد شکر کہ اٹھ ہی گئے وہ ہوش کے پردے
کام آ ہی گیا نالۂ شبگیر محبت
جس وقت ہوا جوش جنوں سلسلۂ جنباں
ہر سانس بنا حلقۂ زنجیر محبت
وہ قلب کی دھڑکن میں محبت کے فسانے
گویا لب خاموش میں تقریر محبت
کل رات کو مہمان تھا ویرانۂ دل میں
معمار جنوں صاحب تعمیر محبت