बहार-ए-बाग़-ए-गुलिस्तान-ए-सरमदी हम हैं
ख़ुदा के साथ हैं दाइम वो आदमी हम हैं
वो बे-ख़ुदी कि हक़ीक़त में है ख़ुदी हम हैं
नयाज़-ए-बंदगी-ओ-नाज़-ए-ख़्वाजगी हम हैं
जिस अंजुमन में दिलों के चराग़ जलते हैं
उस अंजुमन में चराग़ों की रौशनी हम हैं
मिसाल-ए-बर्क़-ए-तमन्ना ब-रंग-ए-आतिश-ए-शौक़
ये आग जो है दिलों में लगी हुई हम हैं
है एक आँख में सूरज तो एक आँख में चाँद
तग़य्युरात-ए-शब-ओ-रोज़ से बरी हम हैं
ख़जिल है नूर-ए-मोहब्बत से ज़ुल्मत-ए-नफ़रत
जो शम' तुंद हवा न बुझा सकी हम हैं
ये वाक़ि'आ है कि सब कुछ है तू ही तू ऐ दोस्त
ये और बात कि जो कुछ है तू वही हम हैं
बहुत बड़े हैं हक़ीक़त में हम 'ज़हीन' मगर
रह-ए-मजाज़ में सब से बड़ी कमी हम हैं
bahār-e-bāġh-e-gulistān-e-sarmadī ham haiñ
ḳhudā ke saath haiñ daa.im vo aadmī ham haiñ
vo be-ḳhudī ki haqīqat meñ hai ḳhudī ham haiñ
niyāz-e-bandagī-o-nāz-e-kHvājagī ham haiñ
jis anjuman meñ diloñ ke charāġh jalte haiñ
us anjuman meñ charāġhoñ kī raushnī ham haiñ
misāl-e-barq-e-tamannā ba-rang-e-ātish-e-shauq
ye aag jo hai diloñ meñ lagī huī ham haiñ
hai ek aañkh meñ sūraj to ek aañkh meñ chāñd
taġhayyurāt-e-shab-o-roz se barī ham haiñ
ḳhajil hai nūr-e-mohabbat se zulmat-e-nafrat
jo sham' tund havā na bujhā sakī ham haiñ
ye vāqi'a hai ki sab kuchh hai tū hī tū ai dost
ye aur baat ki jo kuchh hai tū vahī ham haiñ
bahut baḌe haiñ haqīqat meñ ham 'zahīn' magar
rah-e-majāz meñ sab se baḌī kamī ham haiñ
بہار باغ گلستان سرمدی ہم ہیں
خدا کے ساتھ ہیں دائم وہ آدمی ہم ہیں
وہ بے خودی کہ حقیقت میں ہے خودی ہم ہیں
نیاز بندگی و ناز خواجگی ہم ہیں
جس انجمن میں دلوں کے چراغ جلتے ہیں
اس انجمن میں چراغوں کی روشنی ہم ہیں
مثال برق تمنا برنگ آتش شوق
یہ آگ جو ہے دلوں میں لگی ہوئی ہم ہیں
ہے ایک آنکھ میں سورج تو ایک آنکھ میں چاند
تغیرات شب و روز سے بری ہم ہیں
خجل ہے نور محبت سے ظلمت نفرت
جو شمع تند ہوا نہ بجھا سکی ہم ہیں
یہ واقعہ ہے کہ سب کچھ ہے تو ہی تو اے دوست
یہ اور بات کہ جو کچھ ہے تو وہی ہم ہیں
بہت بڑے ہیں حقیقت میں ہم ذہینؔ مگر
رہ مجاز میں سب سے بڑی کمی ہم ہیں