चमन-तराज़ बहारों में भी सुकूँ न मिला
मगर गुलों से वो रुख़्सार-ए-लाला-गूँ न मिला
इसी सबब से जुनूँ को ख़िरद समझ न सकी
जहान में जिसे हिकमत मिली जुनूँ न मिला
चटक गुलों की सदा-ए-शिकस्त-ए-दिल से मिली
मगर गुलों का दिल-ए-ख़ूँ-शुदा से ख़ूँ न मिला
ज़बाँ पे 'अहद-ए-वफ़ा है नज़र में 'अज़्म-ए-जफ़ा
मजाज़ अपनी हक़ीक़त से आह क्यों न मिला
मजाज़ ‘ऐन-ए-हक़ीक़त मिरी निगाह में है
तिरी निगाह से तेरा बयान क्यों न मिला
मुझे ये किस ने फ़रेब-ए-सुकूँ दिया है 'ज़हीन'
अगर सुकूँ न मिले तो न कह सकूँ न मिला
chaman-tarāz bahāroñ meñ bhī sukūñ na milā
magar guloñ se vo ruḳhsār-e-lāla-gūñ na milā
isī sabab se junūñ ko ḳhirad samajh na sakī
jahān meñ jise hikmat milī junūñ na milā
chaTak guloñ kī sadā-e-shikast-e-dil se milī
magar guloñ kā dil-e-ḳhūñ-shuda se ḳhuuñ na milā
zabāñ pe 'ahd-e-vafā hai nazar meñ 'azm-e-jafā
majāz apnī haqīqat se aah kyoñ na milā
majāz ‘ain-e-haqīqat mirī nigāh meñ hai
tirī nigāh se terā bayān kyoñ na milā
mujhe ye kis ne fareb-e-sukūñ diyā hai 'zahīn'
agar sukūñ na mile to na kah sakūñ na milā
چمن طراز بہاروں میں بھی سکوں نہ ملا
مگر گلوں سے وہ رخسار لالہ گوں نہ ملا
اسی سبب سے جنوں کو خرد سمجھ نہ سکی
جہان میں جسے حکمت ملی جنوں نہ ملا
چٹک گلوں کی صدائے شکست دل سے ملی
مگر گلوں کا دل خوں شدہ سے خوں نہ ملا
زباں پہ عہد وفا ہے نظر میں عزم جفا
مجاز اپنی حقیقت سے آہ کیوں نہ ملا
مجاز عین حقیقت مری نگاہ میں ہے
تری نگاہ سے تیرا بیان کیوں نہ ملا
مجھے یہ کس نے فریب سکوں دیا ہے ذہینؔ
اگر سکوں نہ ملے تو نہ کہہ سکوں نہ ملا