ये हँसी-ख़ुशी का मौसम ये बहार का ज़माना
तिरे वास्ते हक़ीक़त मिरे वास्ते फ़साना
न सँभल सकेगी तुझ से तिरी ज़ुल्फ़-ए-ता-ब-शाना
मैं अभी से देखता हूँ जो दिखाएगा ज़माना
जो तिरी ज़बाँ से निकला वही बन गया फ़साना
मिरे दिल की धड़कनों से रहा बे-ख़बर ज़माना
मिरी ख़ानुमाँ-ख़राबी का जहाँ में है फ़साना
ये वो हादिसा है जिस को न भुला सका ज़माना
मैं निगाह-ए-बाग़बाँ में कोई और हो गया हूँ
अभी चार दिन हुए हैं कि जला है आशियाना
तुझे ऐ ग़म-ए-मोहब्बत इधर आ गले लगा लूँ
न तिरा कहीं गुज़र है न मिरा कहीं ठिकाना
मैं हूँ वो ग़रीब 'आजिज़' कि गुलों की अंजुमन में
मिरे पैरहन के टुकड़ों का बना है शामियाना
ye hañsī-ḳhushī kā mausam ye bahār kā zamāna
tire vāste haqīqat mire vāste fasāna
na sañbhal sakegī tujh se tirī zulf-e-tā-ba-shāna
maiñ abhī se dekhtā huuñ jo dikhā.egā zamāna
jo tirī zabāñ se niklā vahī ban gayā fasāna
mire dil kī dhaḌkanoñ se rahā be-ḳhabar zamāna
mirī ḳhānumāñ-ḳharābī kā jahāñ meñ hai fasāna
ye vo hādisa hai jis ko na bhulā sakā zamāna
maiñ nigāh-e-bāġhbāñ meñ koī aur ho gayā huuñ
abhī chaar din hue haiñ ki jalā hai āshiyāna
tujhe ai ġham-e-mohabbat idhar aa gale lagā luuñ
na tirā kahīñ guzar hai na mirā kahīñ Thikāna
maiñ huuñ vo ġharīb 'ājiz' ki guloñ kī anjuman meñ
mire pairahan ke TukḌoñ kā banā hai shāmiyāna
یہ ہنسی خوشی کا موسم یہ بہار کا زمانہ
ترے واسطے حقیقت مرے واسطے فسانہ
نہ سنبھل سکے گی تجھ سے تری زلف تا بہ شانہ
میں ابھی سے دیکھتا ہوں جو دکھائے گا زمانہ
جو تری زباں سے نکلا وہی بن گیا فسانہ
مرے دل کی دھڑکنوں سے رہا بے خبر زمانہ
مری خانماں خرابی کا جہاں میں ہے فسانہ
یہ وہ حادثہ ہے جس کو نہ بھلا سکا زمانہ
میں نگاہ باغباں میں کوئی اور ہو گیا ہوں
ابھی چار دن ہوئے ہیں کہ جلا ہے آشیانہ
تجھے اے غم محبت ادھر آ گلے لگا لوں
نہ ترا کہیں گزر ہے نہ مرا کہیں ٹھکانہ
میں ہوں وہ غریب عاجزؔ کہ گلوں کی انجمن میں
مرے پیرہن کے ٹکڑوں کا بنا ہے شامیانہ