ये दर्द-ए-हिज्र और इस पर सहर नहीं होती
कहीं इधर की तो दुनिया उधर नहीं होती
न हो रिहाई क़फ़स से अगर नहीं होती
निगाह-ए-शौक़ तो बे-बाल-ओ-पर नहीं होती
सताए जाओ नहीं कोई पूछने वाला
मिटाए जाओ किसी को ख़बर नहीं होती
निगाह-ए-बर्क़ अलावा मिरे नशेमन के
चमन की और किसी शाख़ पर नहीं होती
क़फ़स में ख़ौफ़ है सय्याद का न बर्क़ का डर
कभी ये बात नसीब अपने घर नहीं होती
मनाने आए हो दुनिया में जब से रूठ गया
ये ऐसी बात है जो दरगुज़र नहीं होती
फिरूंगा हश्र में किस किस से पूछता तुम को
वहाँ किसी को किसी की ख़बर नहीं होती
किसी ग़रीब के नाले हैं आप क्यूँ चौंके
हुज़ूर शब को अज़ान-ए-सहर नहीं होती
ये माना आप क़सम खा रहे हैं वा'दों पर
दिल-ए-हज़ीं को तसल्ली मगर नहीं होती
तुम्हीं दुआएँ करो कुछ मरीज़-ए-ग़म के लिए
कि अब किसी की दुआ कारगर नहीं होती
बस आज रात को तीमारदार सो जाएँ
मरीज़ अब न कहेगा सहर नहीं होती
'क़मर' ये शाम-ए-फ़िराक़ और इज़तिराब-ए-सहर
अभी तो चार-पहर तक सहर नहीं होती
ye dard-e-hijr aur is par sahar nahīñ hotī
kahīñ idhar kī to duniyā udhar nahīñ hotī
na ho rihā.ī qafas se agar nahīñ hotī
nigāh-e-shauq to be-bāl-o-par nahīñ hotī
satā.e jaao nahīñ koī pūchhne vaalā
miTā.e jaao kisī ko ḳhabar nahīñ hotī
nigāh-e-barq alāva mire nasheman ke
chaman kī aur kisī shāḳh par nahīñ hotī
qafas meñ ḳhauf hai sayyād kā na barq kā Dar
kabhī ye baat nasīb apne ghar nahīñ hotī
manāne aa.e ho duniyā meñ jab se ruuTh gayā
ye aisī baat hai jo darguzar nahīñ hotī
phiruñgā hashr meñ kis kis se pūchhtā tum ko
vahāñ kisī ko kisī kī ḳhabar nahīñ hotī
kisī ġharīb ke naale haiñ aap kyuuñ chauñke
huzūr shab ko azān-e-sahar nahīñ hotī
ye maanā aap qasam khā rahe haiñ va.adoñ par
dil-e-hazīñ ko tasallī magar nahīñ hotī
tumhīñ duā.eñ karo kuchh marīz-e-ġham ke liye
ki ab kisī kī duā kārgar nahīñ hotī
bas aaj raat ko tīmārdār so jaa.eñ
marīz ab na kahegā sahar nahīñ hotī
'qamar' ye shām-e-firāq aur iztirāb-e-sahar
abhī to chār-pahar tak sahar nahīñ hotī
یہ درد ہجر اور اس پر سحر نہیں ہوتی
کہیں ادھر کی تو دنیا ادھر نہیں ہوتی
نہ ہو رہائی قفس سے اگر نہیں ہوتی
نگاہ شوق تو بے بال و پر نہیں ہوتی
ستائے جاؤ نہیں کوئی پوچھنے والا
مٹائے جاؤ کسی کو خبر نہیں ہوتی
نگاہ برق علاوہ مرے نشیمن کے
چمن کی اور کسی شاخ پر نہیں ہوتی
قفس میں خوف ہے صیاد کا نہ برق کا ڈر
کبھی یہ بات نصیب اپنے گھر نہیں ہوتی
منانے آئے ہو دنیا میں جب سے روٹھ گیا
یہ ایسی بات ہے جو درگزر نہیں ہوتی
پھروں گا حشر میں کس کس سے پوچھتا تم کو
وہاں کسی کو کسی کی خبر نہیں ہوتی
کسی غریب کے نالے ہیں آپ کیوں چونکے
حضور شب کو اذان سحر نہیں ہوتی
یہ مانا آپ قسم کھا رہے ہیں وعدوں پر
دل حزیں کو تسلی مگر نہیں ہوتی
تمہیں دعائیں کرو کچھ مریض غم کے لئے
کہ اب کسی کی دعا کارگر نہیں ہوتی
بس آج رات کو تیماردار سو جائیں
مریض اب نہ کہے گا سحر نہیں ہوتی
قمرؔ یہ شام فراق اور اضطراب سحر
ابھی تو چار پہر تک سحر نہیں ہوتی