ये बेबसी तो उमूमन ही साथ होती है
हमारे सामने जब उस की ज़ात होती है
हर एक बात कि जिस में तुम्हारा ज़िक्र नहीं
वो जैसे दूसरे मस्लक की बात होती है
हमारे गाँव में सूरज ग़ुरूब हो कि न हो
किसी के आँख लगाने से रात होती है
मिरे हुरूफ़ मिरा ज़ब्त नोच खाते हैं
तिरे ख़याल की जब वारदात होती है
अजब तरह से मैं सब को पछाड़ता हूँ मगर
अजब तरह से हमेशा ही मात होती है
ये ख़ामुशी है तिरी आँख की फ़ुसूँ-कारी
ये लफ़्ज़ तेरे लबों की ज़कात होती है
बस इतना सोच के 'साहिर' मैं उस से कहता नहीं
कि उस के ध्यान में शायद वो बात होती है
ye bebasī to umūman hī saath hotī hai
hamāre sāmne jab us kī zaat hotī hai
har ek baat ki jis meñ tumhārā zikr nahīñ
vo jaise dūsre maslak kī baat hotī hai
hamāre gaañv meñ sūraj ġhurūb ho ki na ho
kisī ke aañkh lagāne se raat hotī hai
mire hurūf mirā zabt noch khāte haiñ
tire ḳhayāl kī jab vārdāt hotī hai
ajab tarah se maiñ sab ko pachhāḌtā huuñ magar
ajab tarah se hamesha hī maat hotī hai
ye ḳhāmushī hai tirī aañkh kī fusūñ-kārī
ye lafz tere laboñ kī zakāt hotī hai
bas itnā soch ke 'sāhir' maiñ us se kahtā nahīñ
ki us ke dhyān meñ shāyad vo baat hotī hai
یہ بے بسی تو عموماً ہی ساتھ ہوتی ہے
ہمارے سامنے جب اس کی ذات ہوتی ہے
ہر ایک بات کہ جس میں تمہارا ذکر نہیں
وہ جیسے دوسرے مسلک کی بات ہوتی ہے
ہمارے گاؤں میں سورج غروب ہو کہ نہ ہو
کسی کے آنکھ لگانے سے رات ہوتی ہے
مرے حروف مرا ضبط نوچ کھاتے ہیں
ترے خیال کی جب واردات ہوتی ہے
عجب طرح سے میں سب کو پچھاڑتا ہوں مگر
عجب طرح سے ہمیشہ ہی مات ہوتی ہے
یہ خامشی ہے تری آنکھ کی فسوں کاری
یہ لفظ تیرے لبوں کی زکوٰۃ ہوتی ہے
بس اتنا سوچ کے ساحرؔ میں اس سے کہتا نہیں
کہ اس کے دھیان میں شاید وہ بات ہوتی ہے