ये बस्तियाँ हैं कि मक़्तल दुआ किए जाएँ
दुआ के दिन हैं मुसलसल दुआ किए जाएँ
कोई फ़ुग़ाँ कोई नाला कोई बुका कोई बैन
खुलेगा बाब-ए-मुक़फ़्फ़ल दुआ किए जाएँ
ये इज़्तिराब ये लम्बा सफ़र ये तन्हाई
ये रात और ये जंगल दुआ किए जाएँ
बहाल हो के रहेगी फ़ज़ा-ए-ख़ित्ता-ए-ख़ैर
ये हब्स होगा मोअ'त्तल दुआ किए जाएँ
गुज़िश्तगान-ए-मोहब्बत के ख़्वाब की सौगंद
वो ख़्वाब होगा मुकम्मल दुआ किए जाएँ
हवाए सरकश ओ सफ़्फ़ाक के मुक़ाबिल भी
ये दिल बुझेंगे न मिशअल दुआ किए जाएँ
ग़ुबार उड़ाती झुलसती हुई ज़मीनों पर
उमँड के आएँगे बादल दुआ किए जाएँ
क़ुबूल होना मुक़द्दर है हर्फ़-ए-ख़ालिस का
हर एक आन हर इक पल दुआ किए जाएँ
ye bastiyāñ haiñ ki maqtal duā kiye jaa.eñ
duā ke din haiñ musalsal duā kiye jaa.eñ
koī fuġhāñ koī naala koī bukā koī bain
khulegā bāb-e-muqaffal duā kiye jaa.eñ
ye iztirāb ye lambā safar ye tanhā.ī
ye raat aur ye jañgal duā kiye jaa.eñ
bahāl ho ke rahegī fazā-e-ḳhitta-e-ḳhair
ye habs hogā mo.attal duā kiye jaa.eñ
guzishtagān-e-mohabbat ke ḳhvāb kī saugand
vo ḳhvāb hogā mukammal duā kiye jaa.eñ
havā.e sarkash o saffāk ke muqābil bhī
ye dil bujheñge na mish.al duā kiye jaa.eñ
ġhubār uḌātī jhulastī huī zamīnoñ par
umañD ke ā.eñge bādal duā kiye jaa.eñ
qubūl honā muqaddar hai harf-e-ḳhālis kā
har ek aan har ik pal duā kiye jaa.eñ
یہ بستیاں ہیں کہ مقتل دعا کیے جائیں
دعا کے دن ہیں مسلسل دعا کیے جائیں
کوئی فغاں کوئی نالہ کوئی بکا کوئی بین
کھلے گا باب مقفل دعا کیے جائیں
یہ اضطراب یہ لمبا سفر یہ تنہائی
یہ رات اور یہ جنگل دعا کیے جائیں
بحال ہو کے رہے گی فضائے خطۂ خیر
یہ حبس ہوگا معطل دعا کیے جائیں
گزشتگان محبت کے خواب کی سوگند
وہ خواب ہوگا مکمل دعا کیے جائیں
ہوائے سرکش و سفاک کے مقابل بھی
یہ دل بجھیں گے نہ مشعل دعا کیے جائیں
غبار اڑاتی جھلستی ہوئی زمینوں پر
امنڈ کے آئیں گے بادل دعا کیے جائیں
قبول ہونا مقدر ہے حرف خالص کا
ہر ایک آن ہر اک پل دعا کیے جائیں