ये और बात कि इस अहद की नज़र में हूँ
अभी मैं क्या कि अभी मंज़िल-ए-सफ़र में हूँ
अभी नज़र नहीं ऐसी कि दूर तक देखूँ
अभी ख़बर नहीं मुझ को कि किस असर में हूँ
पिघल रहे हैं जहाँ लोग शो'ला-ए-जाँ से
शरीक मैं भी इसी महफ़िल-ए-हुनर में हूँ
जो चाहे सज्दा गुज़ारे जो चाहे ठुकरा दे
पड़ा हुआ मैं ज़माने की रहगुज़र में हूँ
जो साया हो तो डरूँ और धूप हो तो जलूँ
कि एक नख़्ल-ए-नुमू ख़ाक-ए-नौहा-गर में हूँ
किरन किरन कभी ख़ुर्शीद बन के निकलूँगा
अभी चराग़ की सूरत में अपने घर में हूँ
बिछड़ गई है वो ख़ुश्बू उजड़ गया है वो रंग
बस अब तो ख़्वाब सा कुछ अपनी चश्म-ए-तर में हूँ
ye aur baat ki is ahd kī nazar meñ huuñ
abhī maiñ kyā ki abhī manzil-e-safar meñ huuñ
abhī nazar nahīñ aisī ki duur tak dekhūñ
abhī ḳhabar nahīñ mujh ko ki kis asar meñ huuñ
pighal rahe haiñ jahāñ log sho.ala-e-jāñ se
sharīk maiñ bhī isī mahfil-e-hunar meñ huuñ
jo chāhe sajda guzāre jo chāhe Thukrā de
paḌā huā maiñ zamāne kī rahguzar meñ huuñ
jo saaya ho to Darūñ aur dhuup ho to jalūñ
ki ek naḳhl-e-numū ḳhāk-e-nauha-gar meñ huuñ
kiran kiran kabhī ḳhurshīd ban ke niklūñgā
abhī charāġh kī sūrat meñ apne ghar meñ huuñ
bichhaḌ ga.ī hai vo ḳhushbū ujaḌ gayā hai vo rañg
bas ab to ḳhvāb sā kuchh apnī chashm-e-tar meñ huuñ
یہ اور بات کہ اس عہد کی نظر میں ہوں
ابھی میں کیا کہ ابھی منزل سفر میں ہوں
ابھی نظر نہیں ایسی کہ دور تک دیکھوں
ابھی خبر نہیں مجھ کو کہ کس اثر میں ہوں
پگھل رہے ہیں جہاں لوگ شعلۂ جاں سے
شریک میں بھی اسی محفل ہنر میں ہوں
جو چاہے سجدہ گزارے جو چاہے ٹھکرا دے
پڑا ہوا میں زمانے کی رہ گزر میں ہوں
جو سایہ ہو تو ڈروں اور دھوپ ہو تو جلوں
کہ ایک نخل نمو خاک نوحہ گر میں ہوں
کرن کرن کبھی خورشید بن کے نکلوں گا
ابھی چراغ کی صورت میں اپنے گھر میں ہوں
بچھڑ گئی ہے وہ خوشبو اجڑ گیا ہے وہ رنگ
بس اب تو خواب سا کچھ اپنی چشم تر میں ہوں