यही काफ़ी था तवज्जोह को हटाने के लिए
ज़ख़्म होते थे मिरे पास दिखाने के लिए
झुकना पड़ता है मुझे ज़ख़्म खुजाने के लिए
इतनी ज़ंजीर कहाँ पाँव उठाने के लिए
लोग समझे हैं मोहब्बत को लिए बैठा हूँ
हादसे और भी होते हैं सुनाने के लिए
मुंतज़िर घर में मिरे कोई नहीं होता था
देर करता था फ़क़त देर से आने के लिए
कोई तेहवार मिरे वास्ते तेहवार नहीं
इक तिरा हिज्र ही काफ़ी है मनाने के लिए
भूल जा दोस्त मिरे अपनी मोहब्बत दे कर
क़र्ज़ लेता है यहाँ कौन चुकाने के लिए
कील तस्वीर हथौड़ी को लिए फिरता हूँ
कोई दीवार नहीं मिलती लगाने के लिए
एक लम्हे में मिरे बोझ के नीचे आ कर
साँस निकला है मिरा जान छुड़ाने के लिए
रब्त टूटा था मिरी आँख के खुलते ही 'उज़ैर'
फिर नए ख़्वाब में उतरा था पुराने के लिए
yahī kaafī thā tavajjoh ko haTāne ke liye
zaḳhm hote the mire paas dikhāne ke liye
jhuknā paḌtā hai mujhe zaḳhm khujāne ke liye
itnī zanjīr kahāñ paañv uThāne ke liye
log samjhe haiñ mohabbat ko liye baiThā huuñ
hādse aur bhī hote haiñ sunāne ke liye
muntazir ghar meñ mire koī nahīñ hotā thā
der kartā thā faqat der se aane ke liye
koī tehvār mire vāste tehvār nahīñ
ik tirā hijr hī kaafī hai manāne ke liye
bhuul jā dost mire apnī mohabbat de kar
qarz letā hai yahāñ kaun chukāne ke liye
kiil tasvīr hathauḌī ko liye phirtā huuñ
koī dīvār nahīñ miltī lagāne ke liye
ek lamhe meñ mire bojh ke nīche aa kar
saañs niklā hai mirā jaan chhuḌāne ke liye
rabt TuuTā thā mirī aañkh ke khulte hī 'uzair'
phir na.e ḳhvāb meñ utrā thā purāne ke liye
یہی کافی تھا توجہ کو ہٹانے کے لیے
زخم ہوتے تھے مرے پاس دکھانے کے لیے
جھکنا پڑتا ہے مجھے زخم کھجانے کے لیے
اتنی زنجیر کہاں پاؤں اٹھانے کے لئے
لوگ سمجھے ہیں محبت کو لیے بیٹھا ہوں
حادثے اور بھی ہوتے ہیں سنانے کے لئے
منتظر گھر میں مرے کوئی نہیں ہوتا تھا
دیر کرتا تھا فقط دیر سے آنے کے لئے
کوئی تہوار مرے واسطے تہوار نہیں
اک ترا ہجر ہی کافی ہے منانے کے لیے
بھول جا دوست مرے اپنی محبت دے کر
قرض لیتا ہے یہاں کون چکانے کے لئے
کیل تصویر ہتھوڑی کو لیے پھرتا ہوں
کوئی دیوار نہیں ملتی لگانے کے لیے
ایک لمحے میں مرے بوجھ کے نیچے آ کر
سانس نکلا ہے مرا جان چھڑانے کے لیے
ربط ٹوٹا تھا مری آنکھ کے کھلتے ہی عزیرؔ
پھر نئے خواب میں اترا تھا پرانے کے لئے