वो यूँ शक्ल-ए-तर्ज़-ए-बयाँ खींचते हैं
कि क़ाइल की गोया ज़बाँ खींचते हैं
ये तश्हीर देखो सग-ए-कू-ए-दिलबर
अभी तक मिरी हड्डियाँ खींचते हैं
करे गर कोई ज़िक्र जा कर हमारा
वो तालू से उस की ज़बाँ खींचते हैं
न सदमे से क्यूँ ख़ुश्क हो ख़ून-ए-बुलबुल
गुलों का अरक़ बाग़बाँ खींचते हैं
बढ़ी है सफ़र में वतन की मोहब्बत
मकीनों को क्या क्या मकाँ खींचते हैं
करे कौन सौदा-ए-ज़ुल्फ़-ए-मुसलसल
हमीं हैं जो ये बेड़ियाँ खींचते हैं
पस-ए-मर्ग मेराज आशिक़ की देखो
लहद की ज़मीं आसमाँ खींचते हैं
निशाना बनाएँगे तीर-ए-नज़र का
मोहब्बत के दिल पर निशाँ खींचते हैं
ज़रा दम तो लेने दे ऐ मौत मुझ को
ठहर कर नफ़स ना-तवाँ खींचते हैं
ज़ईफ़ी में भी दिल में है याद-ए-अबरू
कबादा हैं ख़ुद और कमाँ खींचते हैं
मुझे देख कर जब वो मुँह मोड़ते हैं
तो दिल में छुपा कर सिनाँ खींचते हैं
ग़ज़ब है हसीनों का तौर-ए-तकल्लुम
दिलों को ये जादू-बयाँ खींचते हैं
बढ़ा फ़िक्र में रंग ज़र्दी-ए-रुख़ से
ये इत्र-ए-गुल-ए-ज़ाफ़राँ खींचते हैं
'हबीब' अब ज़मीं आसमाँ सर पे लेंगे
कि नाले मिरे बिजलियाँ खींचते हैं
vo yuuñ shakl-e-tarz-e-bayāñ khīñchte haiñ
ki qaa.il kī goyā zabāñ khīñchte haiñ
ye tash.hīr dekho sag-e-kū-e-dilbar
abhī tak mirī haDDiyāñ khīñchte haiñ
kare gar koī zikr jā kar hamārā
vo taalū se us kī zabāñ khīñchte haiñ
na sadme se kyuuñ ḳhushk ho ḳhūn-e-bulbul
guloñ kā araq bāġhbāñ khīñchte haiñ
baḌhī hai safar meñ vatan kī mohabbat
makīnoñ ko kyā kyā makāñ khīñchte haiñ
kare kaun saudā-e-zulf-e-musalsal
hamīñ haiñ jo ye beḌiyāñ khīñchte haiñ
pas-e-marg me.arāj āshiq kī dekho
lahad kī zamīñ āsmāñ khīñchte haiñ
nishāna banā.eñge tīr-e-nazar kā
mohabbat ke dil par nishāñ khīñchte haiñ
zarā dam to lene de ai maut mujh ko
Thahar kar nafas nā-tavāñ khīñchte haiñ
za.īfī meñ bhī dil meñ hai yād-e-abrū
kabāda haiñ ḳhud aur kamāñ khīñchte haiñ
mujhe dekh kar jab vo muñh moḌte haiñ
to dil meñ chhupā kar sināñ khīñchte haiñ
ġhazab hai hasīnoñ kā taur-e-takallum
diloñ ko ye jādū-bayāñ khīñchte haiñ
baḌhā fikr meñ rañg zardi-e-ruḳh se
ye itr-e-gul-e-za.afrāñ khīñchte haiñ
'habīb' ab zamīñ āsmāñ sar pe leñge
ki naale mire bijliyāñ khīñchte haiñ
وہ یوں شکل طرز بیاں کھینچتے ہیں
کہ قائل کی گویا زباں کھینچتے ہیں
یہ تشہیر دیکھو سگ کوئے دلبر
ابھی تک مری ہڈیاں کھینچتے ہیں
کرے گر کوئی ذکر جا کر ہمارا
وہ تالو سے اس کی زباں کھینچتے ہیں
نہ صدمہ سے کیوں خشک ہو خون بلبل
گلوں کا عرق باغباں کھینچتے ہیں
بڑھی ہے سفر میں وطن کی محبت
مکینوں کو کیا کیا مکاں کھینچتے ہیں
کرے کون سودائے زلف مسلسل
ہمیں ہیں جو یہ بیڑیاں کھینچتے ہیں
پس مرگ معراج عاشق کی دیکھو
لحد کی زمیں آسماں کھینچتے ہیں
نشانہ بنائیں گے تیر نظر کا
محبت کے دل پر نشاں کھینچتے ہیں
ذرا دم تو لینے دے اے موت مجھ کو
ٹھہر کر نفس ناتواں کھینچتے ہیں
ضعیفی میں بھی دل میں ہے یاد ابرو
کبادہ ہیں خود اور کماں کھینچتے ہیں
مجھے دیکھ کر جب وہ منہ موڑتے ہیں
تو دل میں چھپا کر سناں کھینچتے ہیں
غضب ہے حسینوں کا طور تکلم
دلوں کو یہ جادو بیاں کھینچتے ہیں
بڑھا فکر میں رنگ زردی رخ سے
یہ عطر گل زعفراں کھینچتے ہیں
حبیبؔ اب زمیں آسماں سر پہ لیں گے
کہ نالے مرے بجلیاں کھینچتے ہیں