दाग़-ए-दिल हैं ग़ैरत-ए-सद-लाला-ज़ार अब के बरस
बा'द मुद्दत के है फिर जोश-ए-बहार अब के बरस
आबियारी से तिरी ऐ तेग़-ए-यार अब के बरस
तख़्ता-ए-गुल है हमारा जिस्म-ए-ज़ार अब के बरस
ता-ब-दामन है गरेबाँ तार तार अब के बरस
टूटते हैं तलवों में चुभ चुभ के ख़ार अब के बरस
है ये ज़ोर-ए-आमद-ए-फ़स्ल-ए-बहार अब के बरस
मस्त हैं ज़ाहिद भी मिस्ल-ए-बादा-ख़्वार अब के बरस
उल्फ़त-ए-साक़ी ने लो ज़ाहिद को भी खींचा इधर
दौर-ए-मय का सुब्हा पर होगा शुमार अब के बरस
फ़स्ल-ए-गुल में बा'द-ए-मुर्दन भी हुआ जोश-ए-जुनूँ
संग-ए-तिफ़्लाँ से हो तरमीम-ए-मज़ार अब के बरस
शीशे में पिन्हाँ है मय और दिल में ज़ौक़-ए-मय-कशी
आते ही साक़ी के ऐ अब्र-ए-बहार अब के बरस
साक़िया ऐनक चढ़े हों रंज-ओ-ग़म बाला-ए-ताक़
बादा-ए-दी-साला का शीशा उतार अब के बरस
ज़ुल्म पर बाँधी है फिर सय्याद-ओ-गुलचीं ने कमर
क़ैद-ए-बुलबुल की है गुलशन में पुकार अब के बरस
आरज़ू है बा'द-ए-मुर्दन भी रहूँ सैराब-ए-मय
सर्फ़-ए-जाम-ओ-ख़ुम करें मेरा ग़ुबार अब के बरस
जोश-ए-ख़ून-ए-बुलबुल-ए-शैदा का पैदा हो असर
ले अगर फ़स्द-ए-रग-ए-गुल नोक-ए-ख़ार अब के बरस
जुलते हैं दिल बुलबुलों के आशियाँ की तरह से
आतिश-ए-गुल की है गुलशन में पुकार अब के बरस
क़िस्मत अपनी अपनी है अच्छा मुबारक हो 'हबीब'
ख़ार-ए-ग़म हम को तुम्हें पहलू-ए-यार अब के बरस
dāġh-e-dil haiñ ġhairat-e-sad-lāla-zār ab ke baras
ba.ad muddat ke hai phir josh-e-bahār ab ke baras
ābiyārī se tirī ai teġh-e-yār ab ke baras
taḳhta-e-gul hai hamārā jism-e-zār ab ke baras
tā-ba-dāman hai garebāñ taar taar ab ke baras
TūTte haiñ talvoñ meñ chubh chubh ke ḳhaar ab ke baras
hai ye zor-e-āmad-e-fasl-e-bahār ab ke baras
mast haiñ zāhid bhī misl-e-bāda-ḳhvār ab ke baras
ulfat-e-sāqī ne lo zāhid ko bhī khīñchā idhar
daur-e-mai kā sub.ha par hogā shumār ab ke baras
fasl-e-gul meñ ba.ad-e-murdan bhī huā josh-e-junūñ
sañg-e-tiflāñ se ho tarmīm-e-mazār ab ke baras
shīshe meñ pinhāñ hai mai aur dil meñ zauq-e-mai-kashī
aate hī saaqī ke ai abr-e-bahār ab ke baras
sāqiyā ainak chaḌhe hoñ ranj-o-ġham bālā-e-tāq
bāda-e-dī-sāla kā shīsha utaar ab ke baras
zulm par bāñdhī hai phir sayyād-o-gulchīñ ne kamar
qaid-e-bulbul kī hai gulshan meñ pukār ab ke baras
aarzū hai ba.ad-e-murdan bhī rahūñ sairāb-e-mai
sarf-e-jām-o-ḳhum kareñ merā ġhubār ab ke baras
josh-e-ḳhūn-e-bulbul-e-shaidā kā paidā ho asar
le agar fasd-e-rag-e-gul nok-e-ḳhār ab ke baras
julte haiñ dil bulbuloñ ke āshiyāñ kī tarah se
ātish-e-gul kī hai gulshan meñ pukār ab ke baras
qismat apnī apnī hai achchhā mubārak ho 'habīb'
ḳhār-e-ġham ham ko tumheñ pahlū-e-yār ab ke baras
داغ دل ہیں غیرت صد لالہ زار اب کے برس
بعد مدت کے ہے پھر جوش بہار اب کے برس
آبیاری سے تری اے تیغ یار اب کے برس
تختۂ گل ہے ہمارا جسم زار اب کے برس
تا بہ دامن ہے گریباں تار تار اب کے برس
ٹوٹتے ہیں تلووں میں چبھ چبھ کے خار اب کے برس
ہے یہ زور آمد فصل بہار اب کے برس
مست ہیں زاہد بھی مثل بادہ خوار اب کے برس
الفت ساقی نے لو زاہد کو بھی کھینچا ادھر
دور مے کا سبحہ پر ہوگا شمار اب کے برس
فصل گل میں بعد مردن بھی ہوا جوش جنوں
سنگ طفلاں سے ہو ترمیم مزار اب کے برس
شیشہ میں پنہاں ہے مے اور دل میں ذوق مے کشی
آتے ہی ساقی کے اے ابر بہار اب کے برس
ساقیا عینک چڑھے ہوں رنج و غم بالائے طاق
بادۂ دی سالہ کا شیشہ اتار اب کے برس
ظلم پر باندھی ہے پھر صیاد و گلچیں نے کمر
قید بلبل کی ہے گلشن میں پکار اب کے برس
آرزو ہے بعد مردن بھی رہوں سیراب مے
صرف جام و خم کریں میرا غبار اب کے برس
جوش خون بلبل شیدا کا پیدا ہو اثر
لے اگر فصد رگ گل نوک خار اب کے برس
جلتے ہیں دل بلبلوں کے آشیاں کی طرح سے
آتش گل کی ہے گلشن میں پکار اب کے برس
قسمت اپنی اپنی ہے اچھا مبارک ہو حبیبؔ
خار غم ہم کو تمہیں پہلوئے یار اب کے برس