अक़्ल पर पत्थर पड़े उल्फ़त में दीवाना हुआ
दिल जो इक मुद्दत से अपना था वो बेगाना हुआ
कह गया जो जी में आया ऐसा दीवाना हुआ
बूँद में कम-ज़र्फ़ का लबरेज़ पैमाना हुआ
सच्ची बातों में भी होता है क़यामत का असर
तज़्किरा मेरा अजब दिलचस्प अफ़्साना हुआ
बद-नुमा समझा गया पैवंद-ए-इस्तिग़्ना-ओ-हिर्स
नंग दल्क़-ए-फ़क़्र-ए-कश्कोल-ए-गदायाना हुआ
रंग-ए-ख़ुल्लत से दिल-ए-शैदा मुरक़्क़ा बन गया
ये ख़ुदा का घर भी इस सूरत से बुत-ख़ाना हुआ
मुख़रिब-ए-बुनियाद-ए-आसाइश है रफ़्तार-ए-जहाँ
बस्तियाँ उजड़ीं कभी आबाद वीराना हुआ
जान है मोल उस का ऐ इश्क़-ए-जवानी जान ले
नक़्द हुस्न-ए-यूसुफ़-सानी का बैआ'ना हुआ
तीरा-बख़्ती की बला से यूँ निकलना चाहिए
जिस तरह सुलझा के ज़ुल्फ़ों को अलग शाना हुआ
जज़्ब-ए-दिल ये है इसे कहते हैं बातिन की कशिश
उन के परतव से मुनव्वर मेरा काशाना हुआ
क्या शिकायत उस की साहब अपना अपना रंग है
ग़ैर हैं हम तुम से जब ग़ैरों से याराना हुआ
मिल गए दोनों में थी जलने की क़ुव्वत एक साँ
मेल-ए-जिंसिय्यत से जुज़्व-ए-शम्अ' परवाना हुआ
उस की शान-ए-आलम-आराई पे की जिस दम नज़र
गोशा-ए-उज़्लत मिरा दरबार-ए-शाहाना हुआ
क़ालिब-ए-ख़ाकी में साक़ी तू ने फूंकी है ये रूह
क़ुलक़ुल-ए-मीना से पैदा शोर-ए-मस्ताना हुआ
ख़ूब ही रंग-ए-जवानी शेब ने खोया 'हबीब'
महव दिल से भी ख़याल-ए-रू-ए-जानाना हुआ
aql par patthar paḌe ulfat meñ dīvāna huā
dil jo ik muddat se apnā thā vo begāna huā
kah gayā jo jī meñ aayā aisā dīvāna huā
buuñd meñ kam-zarf kā labrez paimāna huā
sachchī bātoñ meñ bhī hotā hai qayāmat kā asar
tazkira merā ajab dilchasp afsāna huā
bad-numā samjhā gayā paivand-e-istiġhnā-o-hirs
nañg dalq-e-faqr-e-kashkol-e-gadāyāna huā
rañg-e-ḳhullat se dil-e-shaidā muraqqa.a ban gayā
ye ḳhudā kā ghar bhī is sūrat se but-ḳhāna huā
muḳhrib-e-buniyād-e-āsā.ish hai raftār-e-jahāñ
bastiyāñ ujḌīñ kabhī ābād vīrāna huā
jaan hai mol us kā ai ishq-e-javānī jaan le
naqd husn-e-yūsuf-sānī kā bai.āna huā
tīra-baḳhtī kī balā se yuuñ nikalnā chāhiye
jis tarah suljhā ke zulfoñ ko alag shāna huā
jazb-e-dil ye hai ise kahte haiñ bātin kī kashish
un ke partav se munavvar merā kāshāna huā
kyā shikāyat us kī sāhab apnā apnā rañg hai
ġhair haiñ ham tum se jab ġhairoñ se yārāna huā
mil ga.e donoñ meñ thī jalne kī quvvat ek saañ
mail-e-jinsiyyat se juzv-e-sham.a parvāna huā
us kī shān-e-ālam-ārā.ī pe kī jis dam nazar
gosha-e-uzlat mirā darbār-e-shāhāna huā
qālib-e-ḳhākī meñ saaqī tū ne phūñkī hai ye ruuh
qulqul-e-mīnā se paidā shor-e-mastāna huā
ḳhuub hī rañg-e-javānī sheb ne khoyā 'habīb'
mahv dil se bhī ḳhayāl-e-rū-e-jānāna huā
عقل پر پتھر پڑے الفت میں دیوانہ ہوا
دل جو اک مدت سے اپنا تھا وہ بیگانہ ہوا
کہہ گیا جو جی میں آیا ایسا دیوانہ ہوا
بوند میں کم ظرف کا لبریز پیمانہ ہوا
سچی باتوں میں بھی ہوتا ہے قیامت کا اثر
تذکرہ میرا عجب دلچسپ افسانہ ہوا
بد نما سمجھا گیا پیوند استغنا و حرص
ننگ دلق فقر کشکول گدایانہ ہوا
رنگ خلت سے دل شیدا مرقع بن گیا
یہ خدا کا گھر بھی اس صورت سے بت خانہ ہوا
مخرب بنیاد آسائش ہے رفتار جہاں
بستیاں اجڑیں کبھی آباد ویرانہ ہوا
جان ہے مول اس کا اے عشق جوانی جان لے
نقد حسن یوسف ثانی کا بیعانہ ہوا
تیرہ بختی کی بلا سے یوں نکلنا چاہئے
جس طرح سلجھا کے زلفوں کو الگ شانہ ہوا
جذب دل یہ ہے اسے کہتے ہیں باطن کی کشش
ان کے پرتو سے منور میرا کاشانہ ہوا
کیا شکایت اس کی صاحب اپنا اپنا رنگ ہے
غیر ہیں ہم تم سے جب غیروں سے یارانہ ہوا
مل گئے دونوں میں تھی جلنے کی قوت ایک ساں
میل جنسیت سے جزو شمع پروانہ ہوا
اس کی شان عالم آرائی پہ کی جس دم نظر
گوشۂ عزلت مرا دربار شاہانہ ہوا
قالب خاکی میں ساقی تو نے پھونکی ہے یہ روح
قلقل مینا سے پیدا شور مستانہ ہوا
خوب ہی رنگ جوانی شیب نے کھویا حبیبؔ
محو دل سے بھی خیال روئے جانانہ ہوا