देख लो तुम ख़ू-ए-आतिश ऐ क़मर शीशे में है
अक्स दाग़-ए-महर का इतना असर शीशे में है
लोग कहते हैं तिरे रुख़्सार-ए-ताबाँ देख कर
शम्अ' है फ़ानूस में या आब-ए-ज़र शीशे में है
रात दिन रहती है निय्यत बादा-ए-गुल-रंग में
ये परी वो है कि जो आठों पहर शीशे में है
साअद-ए-सीमीं से तेरे उस को क्या निस्बत भला
तौबा तौबा कब लताफ़त इस क़दर शीशे में है
होती है ग़र्क़-ए-अरक़ क्यूँ तू सिवाए बू-ए-गुल
और क्या ऐ बुलबुल-ए-शोरीदा-सर शीशे में है
मय-कदा तेरा रहे आबाद ख़ुम की ख़ैर हो
हाँ पिला दे मुझ को साक़ी जिस क़दर शीशे में है
ख़ाक से मेरी भला क्या वक़्त का हो इम्तियाज़
हर घड़ी बन कर बगूला मुन्तशर शीशे में है
ये गुमाँ होता है अक्स-ए-महर-ए-सहबा देख कर
दाग़-ए-उल्फ़त को लिए ख़ून-ए-जिगर शीशे में है
हज़रत-ए-वाइज़ न ऐसा वक़्त हाथ आएगा फिर
सब हैं बे-ख़ुद तुम भी पी लो कुछ अगर शीशे में है
खिंच सके हरगिज़ मुसव्विर से न तिमसाल-ए-अदम
देख लो तस्वीर-ए-जानाँ ता-कमर शीशे में है
थोड़ी थोड़ी राह में पी लेंगे गर कम है तो क्या
दूर है मय-ख़ाना ये ज़ाद-ए-सफ़र शीशे में है
मय पिला कर मुझ से कहते हैं वो हो कर बे-हिजाब
चढ़ गई आँखों पे जब ऐनक नज़र शीशे में है
क्यूँ न ज़ोर-ए-तब्अ सब अहबाब दिखलाएँ 'हबीब'
इम्तिहान-ए-हुस्न नज़्म-ए-यक-दिगर शीशे में है
dekh lo tum ḳhū-e-ātish ai qamar shīshe meñ hai
aks dāġh-e-mahr kā itnā asar shīshe meñ hai
log kahte haiñ tire ruḳhsār-e-tābāñ dekh kar
sham.a hai fānūs meñ yā āb-e-zar shīshe meñ hai
raat din rahtī hai niyyat bāda-e-gul-rañg meñ
ye parī vo hai ki jo āThoñ pahar shīshe meñ hai
sā.ad-e-sīmīñ se tere us ko kyā nisbat bhalā
tauba tauba kab latāfat is qadar shīshe meñ hai
hotī hai ġharq-e-araq kyuuñ tū sivā.e bū-e-gul
aur kyā ai bulbul-e-shorīda-sar shīshe meñ hai
mai-kada terā rahe ābād ḳhum kī ḳhair ho
haañ pilā de mujh ko saaqī jis qadar shīshe meñ hai
ḳhaak se merī bhalā kyā vaqt kā ho imtiyāz
har ghaḌī ban kar bagūlā muntashar shīshe meñ hai
ye gumāñ hotā hai aks-e-mahr-e-sahbā dekh kar
dāġh-e-ulfat ko liye ḳhūn-e-jigar shīshe meñ hai
hazrat-e-vā.iz na aisā vaqt haath aa.egā phir
sab haiñ be-ḳhud tum bhī pī lo kuchh agar shīshe meñ hai
khiñch sake hargiz musavvir se na timsāl-e-adam
dekh lo tasvīr-e-jānāñ tā-kamar shīshe meñ hai
thoḌī thoḌī raah meñ pī leñge gar kam hai to kyā
duur hai mai-ḳhāna ye zād-e-safar shīshe meñ hai
mai pilā kar mujh se kahte haiñ vo ho kar be-hijāb
chaḌh ga.ī ā.ankhoñ pe jab ainak nazar shīshe meñ hai
kyuuñ na zor-e-tab.a sab ahbāb dikhlā.eñ 'habīb'
imtihān-e-husn nazm-e-yak-digar shīshe meñ hai
دیکھ لو تم خوئے آتش اے قمر شیشہ میں ہے
عکس داغ مہر کا اتنا اثر شیشہ میں ہے
لوگ کہتے ہیں ترے رخسار تاباں دیکھ کر
شمع ہے فانوس میں یا آب زر شیشہ میں ہے
رات دن رہتی ہے نیت بادۂ گل رنگ میں
یہ پری وہ ہے کہ جو آٹھوں پہر شیشہ میں ہے
ساعد سیمیں سے تیرے اس کو کیا نسبت بھلا
توبہ توبہ کب لطافت اس قدر شیشہ میں ہے
ہوتی ہے غرق عرق کیوں تو سوائے بوئے گل
اور کیا اے بلبل شوریدہ سر شیشہ میں ہے
مے کدہ تیرا رہے آباد خم کی خیر ہو
ہاں پلا دے مجھ کو ساقی جس قدر شیشہ میں ہے
خاک سے میری بھلا کیا وقت کا ہو امتیاز
ہر گھڑی بن کر بگولا منتشر شیشہ میں ہے
یہ گماں ہوتا ہے عکس مہر صہبا دیکھ کر
داغ الفت کو لئے خون جگر شیشہ میں ہے
حضرت واعظ نہ ایسا وقت ہاتھ آئے گا پھر
سب ہیں بے خود تم بھی پی لو کچھ اگر شیشہ میں ہے
کھنچ سکے ہرگز مصور سے نہ تمثال عدم
دیکھ لو تصویر جاناں تا کمر شیشہ میں ہے
تھوڑی تھوڑی راہ میں پی لیں گے گر کم ہے تو کیا
دور ہے مے خانہ یہ زاد سفر شیشہ میں ہے
مے پلا کر مجھ سے کہتے ہیں وہ ہو کر بے حجاب
چڑھ گئی آنکھوں پہ جب عینک نظر شیشہ میں ہے
کیوں نہ زور طبع سب احباب دکھلائیں حبیبؔ
امتحان حسن نظم یک دگر شیشہ میں ہے