वो तेरी निगाहों का 'आलम जो मस्त-कुन-ओ-मस्ताना था
मय-ख़ाने का मय-ख़ाना था पैमाने का पैमाना था
आबादी-ए-दिल का 'आलम भी इक ख़्वाब था या अफ़्साना था
जब आँख लगी काशाना था जब आँख खुली वीराना था
मौक़ूफ़ थी दिल की हालत पर वीरानी भी आबादी भी
वीराना भी काशाना था काशाना भी वीराना था
आदाब-ए-तमाशा से वाक़िफ़ कब शैख़-ओ-बरहमन थे वर्ना
बुत-ख़ाने में भी का'बा था का'बे में भी बुत-ख़ाना था
जब 'इश्क़ में गुम अतराफ़ हुईं जब सोज़ में महव जिहात हुईं
जो शम' थी वो परवाना था वो शम' थी जो परवाना था
कुछ तेरी ज़ुल्फ़-ए-मुश्कीं के असरार खुले तो मस्ती में
दीवाना था वो होश में था जो होश में था दीवाना था
क्या जाने किस ने क्या समझा अंदाज़-ए-बयान-ए-'ज़हीन' था क्या
हर लफ़्ज़ में एक हक़ीक़त थी हर लफ़्ज़ मगर अफ़्साना था
vo terī nigāhoñ kā 'ālam jo mast-kun-o-mastāna thā
mai-ḳhāne kā mai-ḳhāna thā paimāne kā paimāna thā
ābādī-e-dil kā 'ālam bhī ik ḳhvāb thā yā afsāna thā
jab aañkh lagī kāshāna thā jab aañkh khulī vīrāna thā
mauqūf thī dil kī hālat par vīrānī bhī ābādī bhī
vīrāna bhī kāshāna thā kāshāna bhī vīrāna thā
ādāb-e-tamāshā se vāqif kab shaiḳh-o-barahman the varna
but-ḳhāne meñ bhī kā'ba thā kā'be meñ bhī but-ḳhāna thā
jab 'ishq meñ gum atrāf huiiñ jab soz meñ mahv jihāt huiiñ
jo sham' thī vo parvāna thā vo sham' thī jo parvāna thā
kuchh terī zulf-e-mushkīñ ke asrār khule to mastī meñ
dīvāna thā vo hosh meñ thā jo hosh meñ thā dīvāna thā
kyā jaane kis ne kyā samjhā andāz-e-bayān-e-'zahīn' thā kyā
har lafz meñ ek haqīqat thī har lafz magar afsāna thā
وہ تیری نگاہوں کا عالم جو مست کن و مستانہ تھا
مے خانے کا مے خانہ تھا پیمانے کا پیمانہ تھا
آبادیٔ دل کا عالم بھی اک خواب تھا یا افسانہ تھا
جب آنکھ لگی کاشانہ تھا جب آنکھ کھلی ویرانہ تھا
موقوف تھی دل کی حالت پر ویرانی بھی آبادی بھی
ویرانہ بھی کاشانہ تھا کاشانہ بھی ویرانہ تھا
آداب تماشہ سے واقف کب شیخ و برہمن تھے ورنہ
بت خانے میں بھی کعبہ تھا کعبے میں بھی بت خانہ تھا
جب عشق میں گم اطراف ہوئیں جب سوز میں محو جہات ہوئیں
جو شمع تھی وہ پروانہ تھا وہ شمع تھی جو پروانہ تھا
کچھ تیری زلف مشکیں کے اسرار کھلے تو مستی میں
دیوانہ تھا وہ ہوش میں تھا جو ہوش میں تھا دیوانہ تھا
کیا جانے کس نے کیا سمجھا انداز بیان ذہینؔ تھا کیا
ہر لفظ میں ایک حقیقت تھی ہر لفظ مگر افسانہ تھا