वो रात बे-पनाह थी और मैं ग़रीब था
वो जिस ने ये चराग़ जलाया अजीब था
वो रौशनी कि आँख उठाई नहीं गई
कल मुझ से मेरा चाँद बहुत ही क़रीब था
देखा मुझे तो तब्अ रवाँ हो गई मिरी
वो मुस्कुरा दिया तो मैं शायर अदीब था
रखता न क्यूँ मैं रूह ओ बदन उस के सामने
वो यूँ भी था तबीब वो यूँ भी तबीब था
हर सिलसिला था उस का ख़ुदा से मिला हुआ
चुप हो कि लब-कुशा हो बला का ख़तीब था
मौज-ए-नशात ओ सैल-ए-ग़म-ए-जाँ थे एक साथ
गुलशन में नग़्मा-संज अजब अंदलीब था
मैं भी रहा हूँ ख़ल्वत-ए-जानाँ में एक शाम
ये ख़्वाब है या वाक़ई मैं ख़ुश-नसीब था
हर्फ़-ए-दुआ ओ दस्त-ए-सख़ावत के बाब में
ख़ुद मेरा तजरबा है वो बे-हद नजीब था
देखा है उस को ख़ल्वत ओ जल्वत में बार-हा
वो आदमी बहुत ही अजीब-ओ-ग़रीब था
लिक्खो तमाम उम्र मगर फिर भी तुम 'अलीम'
उस को दिखा न पाओ वो ऐसा हबीब था
vo raat be-panāh thī aur maiñ ġharīb thā
vo jis ne ye charāġh jalāyā ajiib thā
vo raushnī ki aañkh uThā.ī nahīñ ga.ī
kal mujh se merā chāñd bahut hī qarīb thā
dekhā mujhe to tab.a ravāñ ho ga.ī mirī
vo muskurā diyā to maiñ shā.er adiib thā
rakhtā na kyuuñ maiñ ruuh o badan us ke sāmne
vo yuuñ bhī thā tabīb vo yuuñ bhī tabīb thā
har silsila thā us kā ḳhudā se milā huā
chup ho ki lab-kushā ho balā kā ḳhatīb thā
mauj-e-nashāt o sail-e-ġham-e-jāñ the ek saath
gulshan meñ naġhma-sañj ajab andalīb thā
maiñ bhī rahā huuñ ḳhalvat-e-jānāñ meñ ek shaam
ye ḳhvāb hai yā vāqa.ī maiñ ḳhush-nasīb thā
harf-e-duā o dast-e-saḳhāvat ke baab meñ
ḳhud merā tajraba hai vo be-had najīb thā
dekhā hai us ko ḳhalvat o jalvat meñ bār-hā
vo aadmī bahut hī ajīb-o-ġharīb thā
likkho tamām umar magar phir bhī tum 'alīm'
us ko dikhā na paao vo aisā habīb thā
وہ رات بے پناہ تھی اور میں غریب تھا
وہ جس نے یہ چراغ جلایا عجیب تھا
وہ روشنی کہ آنکھ اٹھائی نہیں گئی
کل مجھ سے میرا چاند بہت ہی قریب تھا
دیکھا مجھے تو طبع رواں ہو گئی مری
وہ مسکرا دیا تو میں شاعر ادیب تھا
رکھتا نہ کیوں میں روح و بدن اس کے سامنے
وہ یوں بھی تھا طبیب وہ یوں بھی طبیب تھا
ہر سلسلہ تھا اس کا خدا سے ملا ہوا
چپ ہو کہ لب کشا ہو بلا کا خطیب تھا
موج نشاط و سیل غم جاں تھے ایک ساتھ
گلشن میں نغمہ سنج عجب عندلیب تھا
میں بھی رہا ہوں خلوت جاناں میں ایک شام
یہ خواب ہے یا واقعی میں خوش نصیب تھا
حرف دعا و دست سخاوت کے باب میں
خود میرا تجربہ ہے وہ بے حد نجیب تھا
دیکھا ہے اس کو خلوت و جلوت میں بارہا
وہ آدمی بہت ہی عجیب و غریب تھا
لکھو تمام عمر مگر پھر بھی تم علیمؔ
اس کو دکھا نہ پاؤ وہ ایسا حبیب تھا