वो जितने दूर हैं उतने ही मेरे पास भी हैं
ये और बात है ख़ुश हैं मगर उदास भी हैं
ये देखना है हमें किस का ज़ौक़ कैसा है
यहाँ शराब भी है ज़हर के गिलास भी हैं
उन्ही पे तोहमत-ए-दीवानगी लगाते हो
जो इत्तिफ़ाक़ से महफ़िल में रू-शनास भी हैं
जो रौशनी के लिबादे को ओढ़ कर आए
शब-ए-सियाह के वो मातमी लिबास भी हैं
तुम अपने शहर में अम्न-ओ-अमाँ की बात करो
जहाँ सुकूँ है वहाँ लोग बद-हवास भी हैं
ग़ज़ल के साज़ हैं फ़ैज़-उल-हसन-'ख़याल' जहाँ
वहाँ पे आह ब-लब भी हैं महव-ए-यास भी हैं
vo jitne duur haiñ utne hī mere paas bhī haiñ
ye aur baat hai ḳhush haiñ magar udaas bhī haiñ
ye dekhnā hai hameñ kis kā zauq kaisā hai
yahāñ sharāb bhī hai zahr ke gilās bhī haiñ
unhī pe tohmat-e-dīvāngī lagāte ho
jo ittifāq se mahfil meñ rū-shanās bhī haiñ
jo raushnī ke libāde ko oḌh kar aa.e
shab-e-siyāh ke vo mātamī libās bhī haiñ
tum apne shahr meñ amn-o-amāñ kī baat karo
jahāñ sukūñ hai vahāñ log bad-havās bhī haiñ
ġhazal ke saaz haiñ faiz-ul-hasan-'ḳhayāl' jahāñ
vahāñ pe aah ba-lab bhī haiñ mahv-e-yās bhī haiñ
وہ جتنے دور ہیں اتنے ہی میرے پاس بھی ہیں
یہ اور بات ہے خوش ہیں مگر اداس بھی ہیں
یہ دیکھنا ہے ہمیں کس کا ذوق کیسا ہے
یہاں شراب بھی ہے زہر کے گلاس بھی ہیں
انہی پہ تہمت دیوانگی لگاتے ہو
جو اتفاق سے محفل میں روشناس بھی ہیں
جو روشنی کے لبادے کو اوڑھ کر آئے
شب سیاہ کے وہ ماتمی لباس بھی ہیں
تم اپنے شہر میں امن و اماں کی بات کرو
جہاں سکوں ہے وہاں لوگ بد حواس بھی ہیں
غزل کے ساز ہیں فیض الحسن خیالؔ جہاں
وہاں پہ آہ بہ لب بھی ہیں محو یاس بھی ہیں