जब तक मिज़ाज-ए-दोस्त में कुछ बरहमी रही
गोया बुझी बुझी सी मिरी ज़िंदगी रही
जिस पर निगाह-ए-लुत्फ़-ओ-करम आप की रही
हैरत से हर निगाह उसे देखती रही
गो मैं रहा कशाकश-ए-दौराँ से हम-कनार
लेकिन मिरे लबों पे हँसी खेलती रही
लाया है इश्क़ ने मुझे ऐसे मक़ाम पर
ख़ुद-आगही रही न ख़ुदा-आगही रही
जोश-ए-जुनूँ ने मंज़िल-ए-मक़्सूद पा लिया
अक़्ल-ए-सलीम देखती ही देखती रही
सब कुछ मुझे 'ख़याल' की दुनिया में मिल गया
लेकिन तुम्हारे हुस्न-ए-नज़र की कमी रही
jab tak mizāj-e-dost meñ kuchh barhamī rahī
goyā bujhī bujhī sī mirī zindagī rahī
jis par nigāh-e-lutf-e-karam aap kī rahī
hairat se har nigāh use dekhtī rahī
go maiñ rahā kashākash-e-daurāñ se ham-kanār
lekin mire laboñ pe hañsī kheltī rahī
laayā hai ishq ne mujhe aise maqām par
ḳhud-āgahī rahī na ḳhudā-āgahī rahī
josh-e-junūñ ne manzil-e-maqsūd pā liyā
aql-e-salīm dekhtī hī dekhtī rahī
sab kuchh mujhe 'ḳhayāl' kī duniyā meñ mil gayā
lekin tumhāre husn-e-nazar kī kamī rahī
جب تک مزاج دوست میں کچھ برہمی رہی
گویا بجھی بجھی سی مری زندگی رہی
جس پر نگاہ لطف و کرم آپ کی رہی
حیرت سے ہر نگاہ اسے دیکھتی رہی
گو میں رہا کشاکش دوراں سے ہم کنار
لیکن مرے لبوں پہ ہنسی کھیلتی رہی
لایا ہے عشق نے مجھے ایسے مقام پر
خود آگہی رہی نہ خدا آگہی رہی
جوش جنوں نے منزل مقصود پا لیا
عقل سلیم دیکھتی ہی دیکھتی رہی
سب کچھ مجھے خیالؔ کی دنیا میں مل گیا
لیکن تمہارے حسن نظر کی کمی رہی