वो हुए ऐसे मेहरबाँ मुझ पर
बार होने लगा जहाँ मुझ पर
कितनी शफ़्फ़ाफ़ ज़िंदगानी थी
अब तो छाने लगा धुआँ मुझ पर
उस ने आ कर न कुछ सफ़ाई दी
क़िस्से होते रहे बयाँ मुझ पर
गुल के मानिंद ये सरापा था
जाने कब आ गई ख़िज़ाँ मुझ पर
मेरे दम से चमन में रंगत थी
रश्क करती थीं तितलियाँ मुझ पर
मैं जहाँ से चली भी जाऊँ तो
क्या करेगा कोई फ़ुग़ाँ मुझ पर
जब भी उस ने सुनी न बात मिरी
कितनी बातें हुईं अयाँ मुझ पर
अब तो 'निकहत' नहीं है फूलों में
फिर भी उठती हैं उँगलियाँ मुझ पर
vo hue aise mehrbāñ mujh par
baar hone lagā jahāñ mujh par
kitnī shaffāf zindagānī thī
ab to chhāne lagā dhuāñ mujh par
us ne aa kar na kuchh safā.ī dī
qisse hote rahe bayāñ mujh par
gul ke mānind ye sarāpā thā
jaane kab aa ga.ī ḳhizāñ mujh par
mere dam se chaman meñ rañgat thī
rashk kartī thiiñ titliyāñ mujh par
maiñ jahāñ se chalī bhī jā.ūñ to
kyā karegā koī fuġhāñ mujh par
jab bhī us ne sunī na baat mirī
kitnī bāteñ huiiñ ayaañ mujh par
ab to 'nik.hat' nahīñ hai phūloñ meñ
phir bhī uThtī haiñ uñgliyāñ mujh par
وہ ہوئے ایسے مہرباں مجھ پر
بار ہونے لگا جہاں مجھ پر
کتنی شفاف زندگانی تھی
اب تو چھانے لگا دھواں مجھ پر
اس نے آ کر نہ کچھ صفائی دی
قصے ہوتے رہے بیاں مجھ پر
گل کے مانند یہ سراپا تھا
جانے کب آ گئی خزاں مجھ پر
میرے دم سے چمن میں رنگت تھی
رشک کرتی تھیں تتلیاں مجھ پر
میں جہاں سے چلی بھی جاؤں تو
کیا کرے گا کوئی فغاں مجھ پر
جب بھی اس نے سنی نہ بات مری
کتنی باتیں ہوئیں عیاں مجھ پر
اب تو نکہتؔ نہیں ہے پھولوں میں
پھر بھی اٹھتی ہیں انگلیاں مجھ پر